YoShLAR BILAN UChRAShUV OʻTKAZILDI
Mamlakatimizning ertagi kuni oʻsib kelayotgan yosh avlodning qanday insonlar boʻlib kamolga yetishi bilan chambarchas bogʻliq. Shu boisdan ham ularning oʻz salohiyatlarini namoyon qilishlari uchun zarur sharoitlar yaratilmoqda, chuqur ilm olib, maʼnaviyatini yuksaltirishlari, tezkor davrimizga munosib boʻlib voyaga yetishlariga ulkan eʼtibor qaratilmoqda.
Tumanimizda yoshlarning toʻlaqonli ilm olishlariga sharoit yaratish, ularning turmushidagi muammolarini aniqlash va bartaraf etish, ishsiz yoshlarning bandligini taʼminlash, orzu-intilishlarini qoʻllab-quvvatlash maqsadida koʻpgina saʼy-harakatlar olib borilmoqda, shu maqsadda tuman hokimining, sektorlar rahbarlarining, huquqni muhofaza qilish organlari rahbarlarining yoshlar bilan uchrashuvlari tashkil etilayapti.
Ana shunday uchrashuvlardan biri shu yilning 26-yanvarida tuman hokimligi majlislar xonasida jinoyat ishlari boʻyicha Amudaryo tuman sudi raisi Jasur Oʻrazbayev, Fuqarolik ishlari boʻyicha tuman sudi raisi Qayrulla Atamuratov, tuman prokurori yordamchisi Abbaz Niyazimbetov, Yoshlar ishlari agentligi tuman boʻlimi xodimi Sardor Ismoilovlar bilan oʻtkazildi.
Uchrashuvda Mangʻit shahri hududidagi mahallalar yoshlari hamda tumanimiz ovul va mahallalaridagi yangi tayinlangan yoshlar yetakchilari ishtirok etdilar.
Yoshlarning huquqiy savodxonligini oshirish, sud-huquq islohotlari jarayonida ularning faol ishtirokini taʼminlash, mamlakatimizdagi mavjud qonunlarga hurmat hissini kuchaytirish, huquqiy ongi va madaniyatini yuksaltirish maqsadida tashkillashtirilgan uchrashuvda jinoyat ishlari boʻyicha tuman sudi raisi Jasur Oʻrazbayev “Yoshlarni sud-huquq tizimida amalga oshirilayotgan oʻzgarishlar, yangiliklar bilan tanishtirish”, fuqarolik ishlari boʻyicha tuman sudi raisi Qayrulla Atamuratov esa “Oila muqaddas, uni avaylash hammaning burchi” mavzularida maʼruza qildilar.
Shuningdek, uchrashuvda tumanimiz yoshlari orasida jinoyatchilik va huquqbuzarliklarning oldini olish maqsadida davlatimiz tomonidan amalga oshirilayotgan chora-tadbirlar, xususan, yoshlarning bandligini taʼminlash uchun kasb-hunarga oʻqitish, oilaviy tadbirkorlikka jalb qilish, ishsizlarga ekin maydonlarini uzoq muddatga ijaraga berish, tadbirkorlik faoliyatini tashkil etishlari uchun imtiyozli kreditlar berish yoʻlga qoʻyilganini, yoshlar bulardan samarali foydalanishlari lozimligi ham alohida taʼkidlandi.
Uchrashuv ishtirokchilari masʼullarga oʻzlarini qiziqtirgan savollarni berib, atroflicha javoblar oldilar.
Shunisi eʼtiborliki, mamlakatimizda yoshlarning huquq va manfaatlarini himoya qilish, ularga zarur shart-sharoitlar va imkoniyatlarni yaratib berish borasida mustahkam huquqiy baza yaratilgan va bu tizim zamon talablariga hamohang tarzda takomillashtirilib borilmoqda.
Oygul RAJABOVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
