“Bibixonim" maktabi" dasturi doirasida trening mashgʻulotlari oʻtkazildi

Bugungi kunda mamlakatimizdagi siyosiy-ijtimoiy va iqtisodiy vaziyatda ayol-qizlarni oʻziga ishongan, hayotning turli jabhalarida masʼuliyatni oʻz zimmasiga olishga, qaror qabul qilishga va jamiyatning barcha aʼzolari bilan samarali muloqot olib borishga qodir etib tarbiyalash masalasiga alohida eʼtibor qaratilmoqda.

Maʼlumki, 2019-yilda Muhtaram Prezidentimiz tomonidan “Xalq taʼlimi tizimidagi maktabdan tashqari taʼlim samaradorligini tubdan oshirish chora-tadbirlari toʻgʻrisida”gi qarori qabul qilingan edi. Ushbu qarorda belgilab berilgan ustuvor vazifalar ijrosini taʼminlash maqsadida Mahalla va oila ilmiy tadqiqot instituti tomonidan “Bibixonim” maktabi” oʻquv-uslubiy majmua dasturi ishlab chiqildi. Majmua umumiy oʻrta taʼlim maktablarining 6-11-sinflarida tahsil olayotgan oʻquvchi qizlar uchun moʻljallangan. “Bibixonim” maktabi” oʻquv dasturining maqsadi – oʻsmir yoshdagi qizlarning shaxsiy koʻnikmalarini rivojlantirish, yetkachilik fazilatlarini shakillantirish va jamiyatda oʻz oʻrnini topish uchun zarur boʻlgan bilim, malaka va koʻnikmalarni oshirishdan iborat.

Ushbu vazifalar ijrosini taʼminlash maqsadida 40-sonli maktabning amaliyotchi psixologlari Farida Djamalova hamda Dildora Tajiboyevalar tomonidan “Bibixonim” maktabi” dasturi asosida trening mashgʻulotlar oʻtkazildi. Trening mashgʻulotlariga Doʻstlik hamda Yangiobod mahalla fuqarolar yigʻinlari faollari ham taklif qilindi.

Mashgʻulotlar “Individual hususiyatlar – qobiliyat, xarakter, temperament” mavzusida oʻtkazilib mashgʻulotlarga 7-8-sinfning oʻquvchi qizlari toʻliq qamrab olindi. Tadbir davomida “Besh savol” mashqi, “Men kimman, men qandayman?” mashqi, “Oʻzini reklama qilish” mashqi, “Niqobsiz” mashqi hamda “Lekin siz...”, “Sen ajoyibsan” kabi mashgʻulotlar yuqori saviyada tashkil etilib, qiziqarli tarzda boʻlib oʻtdi. “Besh savol” mashqida qizlar oʻzlarini qiziqtirgan 5 ta savol tuzib, yonidagi sheriklari bilan almashdilar. Qizlar ushbu savollarga javob topishib oʻzlarining bilim salohiyatini yanada oshirdilar.

Tadbirda soʻzga chiqqanlar erta turmush qurishning oldini olish, qizlarni oilaviy hayotga tayyorlash, hamda hayotda oʻz oʻrnini topishga koʻmaklashishda “Bibixonim” maktabi” oʻquv dasturi katta ahamiyatga ega ekanligini taʼkidladilar.

F.Eshimbetova