GRANT LOYIHASI DOIRASIDA UChRAShUV OʻTKAZILDI
Mamlakatimizda xalqimiz maʼnaviyatini yuksaltirish, yosh avlodni Vatanga muhabbat, milliy va umuminsoniy qadriyatlar ruhida kamol toptirishga katta eʼtibor qaratilmoqda. Hayotimizda badiiy adabiyotning oʻrni, taʼsiri va ahamiyatini yanada oshirish, adabiyot, musiqa, badiiy va amaliy sanʼat ravnaqiga hissa qoʻshishda havaskor shoirlar va havaskor yozuvchilar, ijodkorlar, sanʼatkorlar, badiiy va amaliy ustalarini qoʻllab-quvvatlash borasida keng koʻlamli amaliy ishlar olib borilmoqda.
Zero, ularning ijobiy salohiyatlarini roʻyobga chiqarish va jamiyatda ijtimoiy-maʼnaviy muhitni yanada yaxshilashga hissa qoʻshishi uchun barcha qulay sharoitlar bor.
Amudaryo tumani yoshlarining ijodiy mahsullari tumanda faoliyat koʻrsatayotgan “Taraqqiyot koʻzgusi” va uning ilova nashri “Mening oilam” gazetalari sahifalarida muntazam yoritib borilmoqda.
Amudaryo televideniyesi orqali turli koʻrsatuvlar tayyorlanib, yosh ijodkorlarning chiqishlari orqali ular elga tanilmoqda. “Taraqqiyot koʻzgusi” gazetasi yonida tashkil etilgan nashriyotda tumanimiz ijodkorlarining kitoblari chop etilmoqda.
Mamlakatimiz Prezidenti tomonidan ilgari surilgan 5 ta muhim tashabbus, yoshlar orasida kitobxonlik tanlovlari oʻtkazilib ularning gʻoliblariga avtomashinalar sovgʻa qilinishi bilan ragʻbatlantirilishi, maktab bitiruvchilarining har biri kamida bitta milliy musiqa asbobini chala bilishi kerak degan tashabbuslar ham aynan yoshlar koʻnglida maʼnaviyatni rivojlantirishga qaratilgan.
Tumanimizda faoliyat olib borayotgan “Jayxun ilhomlari” nodavlat notijorat tashkilotining asosiy maqsadi ham yoshlar orasida maʼnaviyatni rivojlantirish yoʻnalishiga qaratilgan.
Tashkilot tomonidan hozirgi kunda “Yoshlar – yangi Oʻzbekiston bunyodkorlari” loyihasining kalendar rejasi boʻyicha maktablarda, ovul va mahalla fuqarolar yigʻinlarida, korxona-tashkilotlarda adabiy uchrashuvlar, tadbirlar oʻtkazilib kelinmoqda. Olib borilayotgan targʻibot ishlariga yozuvchi va shoirlar, maʼnaviyat targʻibotchilari, shifokorlar, imomlar, mahallalarning faol yoshlari jalb qilingan.
Tashkilot tomonidan oʻtkazilgan navbatdagi “Yoshlar maʼnaviyatini yuksaltirish, ularni kitobxonlikka jalb qilish orqali giyohvandlik, axloqsizlik va boshqa taʼsirlardan himoya qilish” mavzusidagi uchrashuv tumandagi 26-sonli maktabda oʻtkazildi. Uchrashuvda tashkilot raisi Oʻrozali Reyimov grant loyihasining mazmun-mohiyati va ahamiyati, loyiha doirasida amalga oshiriladigan ishlar hamda ulardan kutilayotgan natijalar haqida gapirib berdi.
Maktabning maʼnaviy-maʼrifiy ishlar boʻyicha direktor oʻrinbosari Hamida Ortiqova maktabda amalga oshirilayotgan maʼnaviy-maʼrifiy ishlar, ijodiy jarayonlar bilan tanishtirdi.
Maktabning 8-sinf oʻquvchilaridan Sevinch Eshmurodova, Dilora Karimboyeva, 9-sinf oʻquvchilaridan Shahzoda Ergasheva, Venera Qosimovalar oʻz ijodlaridan sheʼrlar oʻqib berdilar.
Uchrashuv soʻngida maktabdagi ijodiy jarayonni yanada jonlantirishga, adabiy-badiiy toʻgaraklar ishini yanada yaxshilashga kelishib olindi.
Oʻrozali Reimov, "Jayxun ilhomlari" NNT raisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
