9-aprel — Qoraqalpogʻiston Respublikasi Konstitutsiyasi qabul qilingan kun munosabati bilan Amudaryo tumanida bayram tadbiri oʻtkazildi
1993-yil 9-aprel kuni Qoraqalpogʻiston Respublikasi Konstitutsiyasi qabul qilindi va bu sana umumxalq bayrami, deb eʼlon qilindi. Bu bayramni xalqimiz davlatimizdagi adolat, qonun ustuvorligini taʼminlash hamda huquqiy demokratik davlat qurish yoʻlidagi muhim qadam deb biladi.
9-aprel kuni Qoraqalpogʻiston Respublikasining barcha hududlarida baxtimiz qomusi boʻlgan konstituttsiya kuni munosabati bilan bayram tadbirlari oʻtkazildi. Jumladan, Amudaryo tumanida ham Qoraqalpogʻiston Respublikasi Konstitutsiyasisi qabul qilinganiga 29-yil toʻlishi munosabati bilan “Konstituttsiyam – mening gʻururim” shiori ostida tantanali yigʻilish va kontsert dasturi boʻlib oʻtdi.
Tadbirda tuman hokimi Sultonboy Yoʻldashev, deputatlar, sektorlar rahbarlari, hokim oʻrinbosarlari, tuman hokimligi, muassasa, korxona va tashkilotlar masʼullari, fuqarolar yigʻinlari raislari, taʼlim sohasi ilgʻorlari, keng jamoatchilik vakillari hamda ommaviy axborot vositalari vakillari ishtirok etdi.
Sahnada oʻrnatilgan ekranda hilpirab turgan Oʻzbekiston va Qoraqalpogʻiston Respublikalari bayroqlari tadbirga oʻzgacha salobat baxsh etdi. Tadbir ishtirokchilari koʻz oʻngida videolavhalar orqali yurtimizda amalga oshirilayotgan islohotlar, ulkan oʻzgarishlar, yoshlarning bilim olishi, aholining farovon turmush kechirishi uchun yaratilayotgan sharoit va imkoniyatlar namoyon boʻldi.
Tadbir avvalida Oʻzbekiston va Qoraqalpogʻiston Respublikalarining davlat madhiyalari yangradi.
Shundan soʻng tuman hokimi Sultonboy Yoʻldashev yurtdoshlarimizni Qoraqalpogʻiston Respublikasi Konstitutsiyasi qabul qilinganining 29 yilligi bilan samimiy muborakbod etib, xalqimiz hayotini yanada obod va farovon qilish, yurtimizda yashayotgan, millati, tili va dinidan qatʼi nazar, har bir insonga eʼtibor va gʻamxoʻrlik koʻrsatish – Konstitutsiyamizning bosh maqsadi eʼkanligini etirof etdi. Shuningdek, bosh qonunimizni chuqur oʻrganish, anglash, hayotga joriy etish va unga soʻzsiz amal qilish – barchaning sharafli burchi ekanligini taʼkidladi.
Tuman prokurori Aziz Roʻzmetov yigʻilganlarga asosiy qonunimizda insonning ijtimoiy huquqlariga qaratilgan eʼtibor, ularning huquq va majburiyatlari haqida toʻxtalib, Respublikamizda qonun doirasida amalga oshirilayotgan katta oʻzgarish va yangilanishlar haqida aytib oʻtdi hamda yurtdoshlarimizni bayram shodiyonasi bilan samimiy qutladi.
Shundan soʻng tadbirda tumanimizning taniqli va xushovoz sanʼantkorlari tomonidan ona Vatan madhi tarannum etilgan goʻzal kuy-qoʻshiqlar yangradi. Maktab oʻquvchilarining Konstitutsiya haqida toʻlqinlanib oʻqigan sheʼrlari yigʻilganlar diliga oʻzgacha gʻurur va iftixor baxsh etdi.
Ayniqsa, turli millat urf-odatlarini oʻzida namoyon etuvchi, bosh qomusimizda belgilab berilgan barcha millat vakillari tili, dini va eʼtiqodidan qatʼiy nazar qonun oldida tengligi va tinch-totuv yashab kelayotganligi goʻzal raqslar orqali koʻrsatib berildi.
Darhaqiqat, baxtimiz qomusi boʻlgan Konstitutsiyamiz millatidan qatʼiy nazar barcha yurtdoshimizning huquq va majburiyatlarini oʻzida aks ettirgan boʻlib, hali uzoq yillar davomida yurtimiz buyuk kelajagi va xalqimiz farovon turmushining huquqiy asosi boʻlib xizmat qiladi.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
