SUV TEJOVChI TEXNOLOGIYaLARNI QOʻLLAShGA OID KOʻRGAZMALI SEMINAR OʻTKAZILDI
Keyingi yillarda mamlakatimizda qishloq xoʻjaligi yerlarining samaradorligini oshirishda suv tejovchi texnologiyalardan foydalanishga, suv taqchilligi sharoitida ham koʻzlanganiday hosil olishga eʼtibor kuchaymoqda. Maʼlumki odatda sugʻoriladigan maydonlarga suv yetkazib berish va taʼminlashda ancha yoʻqotishlar sodir boʻlar edi. Chunki, suv yetkazib beruvchi tarmoqlarning aksar qismi beton qoplamaga ega emas. Shu boisdan ham qishloq xoʻjaligi ekinlari ekiladigan maydonlarda anʼnaviy sugʻorish usulidan voz kechib, suv tejovchi texnologiyalardan foydalanish bugungi kunning talabidir.
Butun respublikamizda boʻlgani kabi ushbu texnologiyalar Amudaryo tumani qishloq xoʻjaligiga ham keng joriy etilmoqda. Oʻtgan yili jami 3800 gektar ekin maydoni ana shunday usulda sugʻorildi. Shundan 3730 gektari tomchilatib sugʻorish, 30 gektari yomgʻirlatib sugʻorish, 40 gektari esa diskret sugʻorish texnologiyalari asosida sugʻorildi.
Joriy qishloq xoʻjalik yilida jami 2630 gektar ekin maydonida, shundan 2340 gektarida tomchilatib, 250 gektarida yomgʻirlatib, 40 gektarida diskretli sugʻorish tizimidan foydalanildi.
Bunda suv isrof boʻlishining oldi oldinishi dehqonlar uchun ayni muddao boʻlayotir. Shuningdek, anʼanaviy sugʻorish usulidagidan ekinlar hosildorligi sezilarli olmoqda. 145 gektar gʻalla maydonlarini yomgʻirlatib sugʻorish ishlari bank krediti mablagʻi hisobiga moliyalashtirildi.
13-oktyabr kuni Amudaryo tumanining Toʻlqin ovulidagi 2023-yil hosili uchun ekilgan gʻalla maydonida tuman Irrigatsiya boʻlimi tashabbusi bilan gʻalla maydonini egaluvchan quvurlar yordamida sugʻorishni joriy etishga bagʻishlangan koʻrgazmali seminar boʻlib oʻtdi. Tadbirda tuman qishloq xoʻjaligiga masʼullari, fermer xoʻjaliklar rahbarlari, gʻallachilik klasterlari rahbarlari ishtirok etdilar.
Seminarda Qoraqalpogʻiston Respublikasi Suv xoʻjaligi vazirligi masʼullari, Amudaryo tumani hokimining qishloq va suv xoʻjaligi masalalari boʻyicha oʻrinbosari Islom Matkarimov va egiluvchan quvurlar yordamida sugʻorish texnologiyasini ishlab chiqaruvchi “GREN BELT FERGANA” masʼuliyati cheklangan jamiyati korxonasi xodimi Sanjar Muxtarovlar tomonidan gʻalla maydonlarida hamda boshqa ekin maydonlarda egiluvchan quvurlar orqali sugʻorishning afzalliklari batafsil tushuntirildi.
Shunisi eʼtiborliki, 2023 qishloq xoʻjalik yilida suv tejaydigan texnologiyalar yordamida sugʻoriladigan ekin maydonlari 3240 gektarga yetkaziladi. Shundan 1900 gektar paxta, 175 gektar bogʻ, 200 gektar uzumzor, 600 gektar boshqa ekinlar tomchilatib, 190 gektar gʻalla maydonlari, 10 gektar sabzavot, 5 gektar ozuqabop ekinlar yomgʻirlatib, 150 gektar ekin maydonlari diskretli sugʻorish texnologiyasi orqali, 800 gektari esa egiluvchan quvurlar orqali sugʻorilishi rejashtirilgan.
Aytish kerakki, Oʻzbekiston Respublikasi Prezidentining 2022-yil 1-mart kungi “Qishloq xoʻjaligida suvni tejaydigan texnologiyalarni joriy etishni yanada takomillashtirish chora-tadbirlari toʻgʻrisida”gi qarori bilan Qishloq xoʻjaligi mahsulotlari ishlab chiqaruvchilariga suvni tejaydigan sugʻorish texnologiyalarini joriy etish boʻyicha xarajatlarning bir qismini qoplash uchun subsidiyalar ajratilishi belgilangan.
Tadbirda shu haqda ham batafsil maʼlumotlar berildi va ishtirokchilarni qiziqtirgan savollarga javoblar berildi.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
