TIZIMDAGI YaNGILIKLAR AHOLI FAROVONLIGINI OShIRIShGA XIZMAT QILADI
Oʻzbekiston Respublikasida tashkil etilgan “Mahallaning faol modeli” barcha qardosh va chet el davlatlarining diqqat markazida boʻlayapti. Chunki jamiyatning kichik bir boʻlagi boʻlgan mahalla barcha rivojlanish sohalarining eng asosiy boʻgʻini boʻlib qolmoqda.
Endilikda mahalladan turib barcha davlat organlariga murojaat qilish va ularning rahbarlari bilan muloqot qilish tizimi yaratildi. Davlat va ijtimoiy xizmatlarni bevosita mahallada koʻrsatish, shu jumladan, Oʻzbekiston Respublikasi Prezidentining Xalq qabulxonalari bilan samarali aloqalarni yoʻlga qoʻyish orqali mahallalarning xalq oldidagi nufuzini oshirish, moliyaviy imkoniyatlarini kengaytirish, aholini davlat tomonidan qoʻllab-quvvatlash tizimi samaradorligini oshirish, mahalla hududida davlat-xususiy sheriklik asosida sport va madaniy inshootlar, ijodiy klublar, bandlikka koʻmaklashish va oʻqitish markazlari, tadbirkorlik obʼektlari kabi infratuzilmani yaratish boʻyicha chora-tadbirlarni amalga oshirish koʻzda tutilgan.
Mahalla va oilani qoʻllab-quvvatlash vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda mahalla faoliyatini takomillashtirishga qaratilgan chora-tadbirlar dasturi va yangilangan “Fuqarolarning oʻzini oʻzi boshqarish organlari toʻgʻrisida”gi Qonun loyihasini ishlab chiqdi. Davlat boshqaruvi organlarining “Davlat – inson uchun” tamoyili asosida hududiy masalalarni hal qilishdagi masʼuliyati va javobgarligini kuchaytirish hamda ularning strategik yoʻnalishlarni rejalashtirishga qaratilgan yangi tizim yaratish maqsadida hokim yordamchilari hamda yoshlar yetakchilari tomonidan doimiy ravishda mahallani oʻrganish va tahlil qilish natijasiga koʻra ularni rivojlantirish boʻyicha “yoʻl xaritalari”ni ishlab chiqish amaliyoti yoʻlga qoʻyildi.
Fuqarolik jamiyatining noyob va betakror milliy instituti boʻlmish fuqarolarning oʻzini oʻzi boshqarish organlari - mahallalar faqat bizning xalqimiz turmush tarziga, jamiyatimiz hayotiga xos milliy demokratiya maktabidir.
Zuhra Nuruzova, Toshkent tibbiyot akademiyasi professori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
