Bosh vazir oʻrinbosari − Oila va xotin-qizlar davlat qoʻmitasi raisi Zulayho Mahkamova Amudaryo tumanida boʻldi

16-dekabr kuni Amudaryo tumaniga Oʻzbekiston Respublikasi Bosh vaziri oʻrinbosari, Oila va xotin-qizlar davlat qoʻmitasi raisi Zulayho Mahkamova, Qoraqalpogʻiston Respublikasi Oila va xotin-qizlar qoʻmitasi raisi Maryam Ahmedova, Oʻzbekiston Respublikasi Ichki ishlar Vazirligi jamoat xavfsizlik xizmati huquqbuzarliklar profilaktikasi bosh boshqarma boshligʻi oʻrinbosari Umida Abdullayeva, Ayollarni reabilitatsiya qilish va moslashtirish Respublika markazi direktori Muqaddas Rasulova, Qoraqalpogʻiston Respublikasi Ichki ishlar Vazirligi jamoat xavfsizlik xizmati huquqbuzarliklar profilaktikasi bosh boshqarma boshligʻi oʻrinbosari Hurzada Reyimkulova hamda bir guruh masʼullar tashrif buyurishdi.

Tashrif davomida masʼullar tumandagi Ayollarni reabilitatsiya qilish va moslashtirish markazida boʻlib, tumanda ayollarni qoʻllab-quvvatlash hamda ijtimoiy, psixologik yordamga muhtoj ayollarga koʻrsatilayotgan yordam turlari bilan tanishdi.

Ayniqsa, “Ayollar daftari”ga kiritilgan ayollarga psixologik yordam koʻrsatish, tushkunlikka tushib qolgan ayollarni sogʻlom hayotga qaytarishda oʻtkazilayotgan psixologik tereninglarning ahamiyati katta ekanligini taʼkidladi.

Shundan soʻng, masʼullar markazning ish yurituv hujjalari bilan tanishdilar. Mutasaddilarga har bir ayol-qiz Oʻzbekistonnnig kelajagi boʻlmish yangi avlodni dunyoga keltirishi, ularga eng avvalo, boʻlajak ona sifatida qarash lozimligi taʼkidlandi. Qolaversa, ayol-qizlarning muammolarini oʻrganish, ularni imkon qadar ijobiy hal qilish davlatimiz siyosatining asosiy yoʻnalishlaridan biri ekanligini aytib bu boradagi ishlarni tizimli yoʻlga qoʻyish boʻyicha topshiriqlar berdi.

Shundan soʻng, Bosh vazir oʻrinbosari tuman hokimligining majlislar zalida yigʻilish oʻtkazdi. Unda sektor rahbarlari, hokim oʻrinbosarlari, hokim yordamchilari, xotin-qizlar faollari hamda tegishli soha masʼullari ishtirok etishdi.

Yigʻilishda Zulayho Mahkamova Oʻzbekiston Respublikasi Prezidentining “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida”gi farmoni hamda, Oʻzbekiston Respublikasi Prezidentining “Mahallalarda ijtimoiy hizmatlarni koʻsatish va ijtimoiy himoyaga muhtoj oilalarga yordam berish tizimini yangi bosqichga koʻtarish hamda hotin-qizlari kasbga oʻqitish ishlarini yanada jadallashtirish chora-tadbirlari toʻgʻrisida”gi va “Xotin-qizlar bandligini oshirish va salomatligini mustahkamlashga oid qoʻshimcha chora-tadbirlar toʻgʻrisida”gi qarorlari ijrosi haqida batafsil tushuntirishlar berdi.

Yigʻilishda Zulayho Mahkamova xotin-qizlar faoliyatidagi yoʻnalishlar boʻyicha erishilgan natijalar va kamchiliklarga toʻxtaldi. Oilada barqarorlikning saqlanishida bandlik, moddiy taʼminot muhim ahamiyatga ega ekanligi alohida taʼkidlandi.

Yigʻilish davomida xotin-qizlar bandligini taʼminlash, jinoyatchilikning oldini olish, salomatligini tiklash va subsidiya ajratish masalalari muhokama qilindi hamda tegishli korxona-tashkilot vakillariga, hokim yordamchilariga topshiriqlar berildi.

Tuman hokimligining Axborot xizmati.