Yil yakunida bir guruh fidoiylarning mehnatlari eʼtirof etildi
29-dekabr kuni Amudaryo tuman hokimligining majlislar zalida yurtimiz ravnaqi va xalqimiz farovonligi yoʻlidagi koʻp yillik samarali faoliyati, fidoiyligi va mehnatsevarligi, jamoat ishlaridagi faolligi hamda olib borayotgan ezgu ishlari, yurtimizda amalga oshirilayotgan ulkan bunyodkorlik jarayonidagi tashabbuskorligi uchun bir guruh yurtdoshlarimizni taqdirlash marosimi boʻlib oʻtdi. Unda tuman hokimi Sultonboy Yoʻldashev, sektorlar rahbarlari, hokim oʻrinbosarlari hamda keng jamoatchilik vakillari ishtirok etishdi.
Tadbirda tuman hokimi Sultonboy Yoʻldashev 2022-yilda tumanda amalga oshirilgan bunyodkorlik ishlari, erishilgan muvaffaqiyatlar, aholining ijtimoiy-iqtisodiy hayotida roʻy bergan muhim oʻzgarishlarga toʻxtalib oʻtdi.
Tadbirda dastlab Xalq deputatlari Amudaryo tuman Kengashining faol va tashabbuskor deputatlari taqdirlandi. “Eng adolatli deputat” nominatsiyasiga Bahrom Qodirov, “Xalqparvar deputat” nominatsiyasiga Tamara Yusupova, “Mehnatkash deputat” nominatsiyasiga Gulshod Yusupova, “Faxriy deputat” nominatsiyasiga esa Roʻzimboy Nurimbetov munosib deb topildi.
Shuningdek, tadbirda tumandagi turli muassasa va tashkilotlarda koʻp yillardan buyon oʻz kasbiga vijdonan yondoshib, sadoqat bilan faoliyat yuritib kelayotgan bir guruh fidoyilar tuman hokimligining tashakkurnomasi va qimmatbaho sovgʻalari bilan taqdirlandi.
“Barkamol avlod” bolalar maktabi direktori Xonimjon Rajabova barchani yangi yil bilan tabriklab soha fidoylariga mehnat faoliyatlarida ulkan zafarlar tiladi.
Tadbirda turli soha vakillari − oʻqituvchilar, shifokorlar, huquqni muhofaza qilish organlari, ommaviy axborot vositalari, iqtisodiy va ijtimoiy sohada faoliyat yurituvchi tashkilotlarning ishchilari hamda kommunal soha korxonalarining xizmatchilari, faol yoshlar va ayol-qizlarning 24 nafariga tuman hokimligining esdalik sovgʻalari tantanali tarzda topshirildi.
Undan tashqari, tuman hokimi yangi yil munosabati bilan ijtimoiy himoyaga muhtoj oilalarning bir guruh bolalariga qishki kiyim-kechaklar toʻplamini topshirdi.
Tuman hokimi Sultonboy Yoʻldoshev har bir bolajonga maktabni aʼlo baholarga tugatib, el yurt koriga yaraydigan munosib farzand boʻlishi lozimligini aytib, bayram bilan samimiy qutladi.
Tadbir yakunida tuman hokimi 2023-yilda ham tumanda katta bunyodkorlik ishlari amalga oshirilishini, taʼlim tizimida katta ijobiy oʻzgarishlar boʻlishini aytib, islohotlarni faqatgina bir tanu bir jon boʻlib, xalqimiz bilan birgalikda amalga oshirish mumkinligini taʼkidlab oʻtdi hamda barchani yangi 2023-yil bilan samimiy qutladi.
Shu kuni tuman hokimining birinchi oʻrinbosari Rashid Salayev, Xalq deputatlari tuman Kengashi kotibiyati mudiri Mansur Oʻrazboyevlar koʻp yillar davomida davlat boshqaruv organlarida samarali tarzda faoliyat yuritgan mehnat faxriysi Bahrom Jumaniyazovning xonadoniga tashrif buyurishdi hamda mehnat faxriysini yangi yil bilan tabriklab, tuman hokimligining qimmatbaho sovgʻalarini topshirdi.
Yangi yil arafasida tumandagi mehnat fidoyilari, bolalar, ijtimoiy himoyaga muhtoj fuqarolar, yoshi ulugʻ nuroniylarning hech biri eʼtibordan chetda qolmadi. Ularning holidan xabar olinib, bayram sovgʻalari topshirildi.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
