TIBBIYoT TIZIMI INSON QADRI VA SALOMATLIGI UChUN XIZMAT QILADI

Hozirgi kunda tumanda 415-oʻrinli markaziy shifoxona, 1 ta koʻp tarmoqli markaziy poliklinika, 9 ta oilaviy poliklinika va 4 ta oilaviy shifokorlik punkti faoliyat yuritmoqda. Har bir oilaviy poliklinikada qoʻshimcha ish oʻrinlari ochilib, tor doiradagi mutaxassislar faoliyati ham yoʻlga qoʻyildi. Tumanning olis va  chekka hududlarida  jami 11 ta “Mahalla tibbiyot punkti”, 91 nafar shifokor, 328 nafar oʻrta tibbiyot xodimlaridan iborat boʻlgan 91 ta “Tibbiyot brigadalari” tashkil etildi.

2022-yil 11 oy davomida 3246 nafar nikohlanuvchi shaxs tibbiy koʻrikdan oʻtkazilib, ular orasida kasalligi aniqlanganlarga davolanish boʻyicha zarur tavsiyalar berildi.

Markaziy shifoxonada 11 oy davomida 3333 ta jarrohlik amaliyoti oʻtkazildi. Undan tashqari, 40 va undan katta yoshdagi  57 131 nafar aholi skrining tekshiruvdan oʻtkazilib, kasalligi aniqlangan bemorlar ambulator va statsionar sharoitda sogʻlomlashtirildi. Respublika Ixtisoslashgan tibbiyot markazlariga 682 bemorga elektron yoʻllanmalar berildi.

Shuningdek, 70 691 nafar bolalar tibbiy koʻrikdan oʻtkazildi va yuqumli kasalliklarning oldini olish boʻyicha ehtiyotdan emlash muolajalari kalendari asosida 55 622 nafar bolalar emlandi. Tugʻma yurak nuqsoni boʻlgan 35 nafar bolaga jarrohlik amaliyoti reja qilingan boʻlib, 15 nafari operatsiya qilindi.

Hisobga olingan 5179 nafar homilador ayollar tuman perinatal skrining xonasida UTT dan, 820 nafari Orol boʻyi skrining markazida tekshiruvdan oʻtkazildi. 

Tibbiyot birlashmasida bolalar reanimatsiya boʻlimi  va 2 ta shoshilinch pediatriya brigadalari faoliyat yuritmoqda. Bemor bolalarga malakali tibbiy yordam koʻrsatish maqsadida 2 ta IVL, 2 SPAP apparati, 4 ta oksigenator va 5 ta markaziy kislorod yetkazib berish nuqtalari bor,  1 ochiq kuvez, 2 ta yopiq kuvez, 4 dona linimat, 3 dona monitor, 2 dona otsos, 1 dona defibrilyator, 1 ta funktsional karovat mavjud. Tuman hokimligi tomonidan ham bolalar reanimatsiyasi boʻlimiga ogʻir ahvolda va muddatidan oldin tugʻilgan chaqaloqlarga yordam koʻrsatish, parvarish qilishga moʻljallangan SIPAP apparati, tugʻruq kompleksiga ogʻir ahvoldagi ayollarning hayotini saqlab qolish uchun IVL – sunʼiy nafas berish apparati, funktsional karovatlar olib berildi.

2022-yil davomida QRSSV hisobidan 25 mln. 444,05 ming soʻmlik 9 dona jihozlar, byudjet mablagʻlari hisobidan 219 mln. 999,99  ming soʻmlik 1 dona rentgen digitayzer apparati, 292 ming soʻmlik 1 dona narkoz apparati, 97 mln. 880 ming soʻmlik 1 dona operatsiya chirogʻi, 23 mln. 900 ming soʻmlik 1 dona analizator IFA, 24 mln. 500 ming soʻmlik 1 dona analizator, 239 mln. 840 ming soʻmlik 1 dona IVL apparat, 238 mln. soʻmlik 1 dona IVL, 54 mln. 268,5 ming soʻmlik  10 dona funktsional karovat olindi.

Yil davomida Toʻlqin, Qizilcholi ovullaridagi OShPlarda, 71-sonli oilaviy poliklinika binolarida joriy taʼmirlash ishlari bajarildi. Qiymati 15 mlrd. soʻmlik 90-oʻrinli yangi  tugʻruq boʻlimi binosini qurish ishlari esa “Temir beton” MChJ tomonidan amalga oshirilmoqda.

Yangi Oʻzbekistonning 2022-2026-yillarga moʻljallangan taraqqiyot strategiyasida tibbiyot tizimini rivojlantirish, tibbiy xizmat sifatini oshirish, sohani aholiga yanada yaqinlashtirish, bir soʻz bilan aytganda, xalqimizni rozi qilish bosh mezon etib belgilangan. Shu sababli soha rivojiga hissa qoʻshish, xalqimiz salomatligini taʼminlash kelgusi yillarda ham eng asosiy vazifamiz boʻlib qolaveradi.

F.Abdullayev, tuman Tibbiyot birlashmasi boshligʻi.