XALQ DARDI BILAN YaShASh BAXTI
Ekologik barqarorlikni taʼminlash, bu boradagi muammolarga jamoatchilik eʼtiborini qaratish va salbiy oqibatlarining oldini olishda Oʻzbekiston ekologik partiyasi aʼzolarining hissasi ulkan.
Partiya aʼzosi, xalq deputatlari Amudaryo tuman Kengashi deputati, ayni paytda Qilichboy ovul fuqarolar yigʻini raisi boʻlib ishlayotgan Bahrom Qodirov partiya dasturlarini hayotga tatbiq etishda faol ishtirok etmoqda.
Xalq hurmat-eʼtiborini qozongan B.Qodirov 2020-yilda xalq deputatlari tuman Kengashiga Qilichboy saylov okrugidan deputat boʻlib saylandi.
U xalq vakili sifatida hudud aholisining mamlakatimizda kechayotgan ijtimoiy-siyosiy jarayonlar, yangilanishlar, yuksalishlarga daxldorligini oshirish, barcha jabhalarda amalga oshirilayotgan islohotlarda faol ishtirok etishga targʻib qilish maqsadida tez-tez uchrashuvlar oʻtkazib turadi. Uchrashuvlar jarayonida aholi turmushidagi aniqlangan muammolarni ijobiy hal qilish uchun tinmay harakat qiladi.
Joriy yilda ana shunday xalq bilan jonli muloqotlar davrida bildirilgan murojaatlarga muvofiq Xizr eli mahallasida aholi tomorqa yerlarini oqar suv bilan taʼminlash yaxshilandi, shu mahalla hududidagi transformator koʻchirildi, Tozayop, Olmazor aholi punktlariga yangi transformator oʻrnatildi, Oftob, Bahouddin Naqshband koʻchalari yoʻli taʼmirlandi.
Ijtimoiy himoyaga muhtoj aholi qoʻllab-quvvatlanayotgani Bahrom Qodirovning el oqsoqoli sifatidagi, deputat sifatidagi nufuzini, obroʻsini oshirayapti. Ha, xalq dardi bilan yashagan inson haqli ravishda halqning olqishini oladi. Bu – ulkan baxtdir.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
