ISLOHOTLAR SAMARASI MIB TUMAN BOʻLIMI FAOLIYaTI MISOLIDA

Oʻzbekiston Respublikasi Bosh prokuraturasi huzuridagi Majburiy ijro byurosi sud hujjatlari va boshqa organlar hujjatlarini majburiy ijro etishda samarali natijalarga ega boʻlayotgan, zamonaviylashgan davlat tashkiloti sifatida faoliyat koʻrsatib kelmoqda. Bugungi kunda Byuroga yuklatilgan vazifalar doirasida qonun ustuvorligini taʼminlash, fuqarolarning huquq hamda erkinliklari, jamiyat va davlatning qonun bilan qoʻriqlanadigan manfaatlarini himoya qilish borasida samarali ishlar amalga oshirilmoqda.

Majburiy ijro byurosining Amudaryo tumani boʻlimi tomonidan ham sud hujjatlari va boshqa organlar hujjatlari ijrosini taʼminlash yuzasidan muayyan ishlar bajarilib kelinmoqda. Byuroning tuman boʻlimida ayni paytda 9 nafar xodim, shundan 5 nafar davlat ijrochilari sudlar va boshqa vakolatli organlarning mulkiy va nomulkiy undiruvlar bilan bogʻliq qarorlari ijrosini soʻzsiz taʼminlab, vakolatli organlar tomonidan davlat foydasiga undirilishi belgilangan mablagʻlarni majburiy undirib borishga qaratilgan barcha chora-tadbirlarni koʻrib borishmoqda.

Soʻnggi davrlarda ijro sohasiga IT-texnologiyalari keng joriy etilayotgani natijasida, joylardagi kabi Byuroning tuman boʻlimida ham “MIB-Portal” dasturi hududdagi idora va tashkilotlarning axborot tizimlariga integratsiya qilindi. Davlat ijrochilarining ayrim ijro harakatlarini amalga oshirish va qarorlarini qabul qilish jarayoni avtomatlashtirildi. Endilikda ijro ishlari boʻyicha qarzdorlarning mulklarini aniqlash, taʼqiq qoʻyish va qarzdorlik bartaraf etilganda bekor qilish kabilar elektron tizim orqali davlat ijrochisining aralashuvisiz olib borilmoqda.

Byuroning tuman boʻlimida joriy yilning birinchi oyiga qadar jami 141,7 mlrd. soʻmlik 20716 ta ijro hujjatlari qabul qilingan edi. Shundan 100,4 mlrd. soʻmlik 12939 ta ijro hujjatlari tamomlandi va tugatildi. Amalda 52,5 mlrd. soʻmlik 7542 ta ijro hujjatlari undirildi va hisobot oyi oxiriga 41,3 mlrd. soʻmlik 7777 ta ijro hujjatlari qoldiqda qoldi.

Davlat foydasiga undiruv boʻyicha, ish yurituviga jami 44,9 mlrd. soʻmlik 12404 ta ijro hujjatlari olinib, shundan, 27 mlrd. soʻmlik 6857 ta ijro hujjatlari tamomlandi. Amalda 21,9 mlrd. soʻmlik 4952 ta ijro hujjati undirildi va oy oxiriga 17,9 mlrd. soʻmlik 5547 ta ijro hujjati qoldiqda qoldi.

Soliq qarzdorligi ijrosi yuzasidan esa ish yurituviga jami 38,6 mlrd. soʻmlik 4291 ta ijro hujjatlari olinib, 23,5 mlrd. soʻmlik 2707 ta ijro hujjatlari tamomlandi. Amalda 19,1 mlrd. soʻmlik 1519 ta ijro hujjati undirildi. Oy oxiriga 15,1 mlrd. soʻmlik 1584 ta ijro hujjati qoldiqda qoldi.

Shuningdek, jinoiy va maʼmuriy jarimalarni undirilishi yuzasidan jami 2,6 mlrd. soʻmlik 2781 ta ijro hujjatlari ish yurituvga olingan boʻlsa, shundan 1,5 mlrd. soʻmlik 1249 ta hujjat tamomlandi. Amalda 1 mlrd. soʻmlik 1040 ta ijro hujjati undirildi va oy oxiriga 1,1 mlrd. soʻmlik 1532 ta hujjat qoldiqda qoldi.

Iqtisodiy va fuqarolik ishlari boʻyicha sudlarning davlat bojlarini undirish boʻyicha boʻlim ish yurituviga jami 2,7 mlrd. soʻmlik 5228 ta ijro hujjatlari olindi. Shundan, 1,4 mlrd. soʻmlik 2818 ta ijro hujjatlari tamomlandi. Amalda 1,1 mlrd. soʻmlik 2310 ta ijro hujjati undirildi va oy oxiriga 1,3 mlrd. soʻmlik 2410 ta ijro hujjati qoldiqda qoldi.

Aliment undiruvi bilan bogʻliq ijro xujjatlar oʻtgan yil qoldigʻi bilan ish yurituvga jami 1401 ta hujjat olingan boʻlib, shundan, 423 tasi tamomlandi va 43 tasi undirilib, oy oxiriga 978 ta ijro hujjati qoldiqda qoldi.

Oʻtgan davr mobaynida boʻlim ish yurituviga jami 354 ta murojaatlar kelib tushgan boʻlsa, ulardan 342 tasi hal qilindi. Qolgan 112 tasi qanoatlantirilib, 230 tasi boʻyicha tushuntirishlar berildi. Shuningdek, 4 ta murojaat koʻrmasdan qoldirildi. Boʻlim tomonidan qonunchilik targʻiboti boʻyicha joylarda muntazam ravishda tadbirlar ham oʻtkazilib borilmoqda.

Byuroning tuman boʻlimida asosiy eʼtibor davlat manfaatlarini koʻzlab chiqarilgan majburiy undiruv bilan bogʻliq qarorlar ijrosini taʼminlashga qaratib kelinmoqda. Davlatga yetkazilgan zararlarni, shu jumladan soliq qarzdorligini, davlat boji, maʼmuriy va jinoiy jarimalarni undirish, jinoyatlar natijasida davlat manfaatlariga yetkazilgan zarar undiruvlari ham oʻz muddatida ijro etilishi taʼminlanmoqda.

Qadamboy Xolmurodov, MIB tuman boʻlimi davlat ijrochisi.