“Amudaryo paxta tozalash” aktsiyadorlik jamiyati aktsiyadorlari diqqatiga!

“Amudaryo paxta tozalash” aktsiyadorlik jamiyatining umumiy yigʻilishi 2023-yil 27-iyun soat 16:00da Qoraqalpogʻiston Respublikasi, Amudaryo tumani, Oq oltin ovulida joylashgan “Amudaryo paxta tozalash” aktsiyadorlik jamiyati maʼmuriy binosining majlislar zalida oʻtkaziladi. Yigʻilish qatnashchilarini roʻyxatga olish soat 15:00 da boshlanadi. Jamiyatning rasmiy veb-sayti: www.amudaryopaxta.uz

KUN TARTIBIDAGI MASALALAR:

1. Umumiy yigʻilish reglamenti va sanoq komissiyasi tarkibini tasdiqlash.
2. Jamiyatning 2022-yil yakuni va biznes-rejasi koʻrsatkichlarini bajarilishi boʻyicha jamiyat ijroiya organi rahbarining hisobotini tasdiqlash.
3. Jamiyatning 2022-yil yakuni boʻyicha yillik buxgalteriya balansi va moliyaviy natijalarini tasdiqlash.
4. Jamiyat tashqi auditorining 2022-yil moliya-xoʻjalik yakuni boʻyicha xulosasini tasdiqlash.
5. Jamiyat Kuzatuv kengashining 2022-yil yakuni boʻyicha hisobotini tasdiqlash.
6. Jamiyat aktsiyadorlarining 2020-yil 12-dekabrdagi navbatdan tashqari umumiy yigʻilishi qarorini, yaʼni oʻz kapitali hisobidan jamiyat ustav fondini koʻpaytirish hamda qoʻshimcha aktsiyalar chiqarilishini qayta koʻrib chiqish.
7. Jamiyatning eski yillarda taqsimlanmagan va 2022-yil yakuni boʻyicha olingan sof foydasini taqsimlash.
8. Jamiyat ijroiya organi rahbari bilan tuzilgan mehnat shartnomasining muddatini uzaytirishni koʻrib chiqish.
9. 2023-yil moliya-xoʻjalik faoliyati yakuni boʻyicha auditorlik tekshiruvini oʻtkazish uchun auditorlik tashkilotini va uning xizmatlariga toʻlanadigan haqning eng koʻp miqdorini belgilash.
10. Jamiyatning 2023-yil uchun moʻljallangan biznes-rejasini tasdiqlash.
11. Jamiyat kuzatuv kengashi aʼzolarini saylash.
12. Jamiyat ijro organi xodimlarining shtatlar jadvalini tasdiqlash.
13. Jamiyat kuzatuv kengashi aʼzolariga haq toʻlash masalasini koʻrib chiqish.
14. Jamiyat Ustavi va ichki nizomlarini yangi tahrirda tasdiqlash.

Jamiyat aktsiyadorlari umumiy yigʻilishida qatnashish huquqiga ega aktsiyadorlarning reyestri 2023-yil 21-iyun holatiga shakllantiriladi.

Aktsiyadorlar oʻzlari bilan shaxsini tasdiqlovchi hujjat pasport hamda ularning vakillari Oʻzbekiston Respublikasi qonunchiligida belgilangan tartibda rasmiylashtirilgan ishonchnoma bilan kelishlari shart (jismoniy shaxslar uchun notarius tomonidan tasdiqlangan, yuridik shaxslar uchun mazkur yuridik shaxs tomonidan berilgan).

Aktsiyadorlarning yillik umumiy yigʻilishida koʻrib chiqiladigan kun tartibidagi masalalar boʻyicha maʼlumotlarni “Amudaryo paxta tozalash” aktsiyadorlik jamiyatida tanishishlari mumkin. Aktsiyadorlar qoʻshimcha maʼlumot olish uchun quyidagi manzilga murojaat qilishlari mumkin: Qoraqalpogʻiston Respublikasi, Amudaryo tumani, Oq oltin OFY. elektron pochta: amudaryopaxta@umail.uz