SAYYoR SUDDA HUQUQBUZARLARGA JAZO TAYINLANDI
Choykoʻl ovulida Jinoyat ishlari boʻyicha Amudaryo tuman sudi tomonidan sayyor sud majlisi oʻtkazildi.
14-sentyabr kuni Choykoʻl ovul fuqarolar yigʻini binosi oldida oʻtkazilgan mazkur sayyor sud majlisida 2 nafar shaxsga nisbatan 2 ta jinoyat ishi va 30 nafar shaxsga nisbatan 27 maʼmuriy huquqbuzarlik toʻgʻrisidagi ishlar koʻrib chiqildi.
Sayyor sud majlisida Oʻzbekiston Respublikasi JK 104-moddasi 1-qismi bilan ayblangan 1 nafar shaxsga nisbatan toʻplangan jinoyat ishi sud tomonidan JKning 111-moddasi 2-qismiga qayta malakalanib, 2-yil 20 foizga axloq tuzatish ishlari jazosi tayinlandi. Oʻzbekiston Respublikasi MJtKning 131-moddasi 2-qismi bilan toʻplangan ish materialiga koʻra huquqbuzarga nisbatan 15 sutka maʼmuriy qamoq jazosi berildi.
Shuningdek, Oʻzbekiston Respublikasi MJtKning 194-moddasi 1-qismi bilan toʻplangan ish materiali asosida huquqbuzarga nisbatan BHMning 1 baravari, yaʼni 330.000 soʻm jarima jazosi, 3 nafar fuqarolarga nisbatan Oʻzbekiston Respublikasi MJtKning 52-moddasining 2-qismi bilan toʻplangan ish materiali boʻyicha har biriga nisbatan bazaviy hisoblash miqdorining 2 baravaridan, yaʼni 660.000 soʻm jarima jazosiga tortildi.
Oʻzbekiston Respublikasi MJtKning 131-moddasi 1-qismida koʻrsatilgan huquqbuzarlikni sodir etgan 2 nafar huquqbuzar ham 1-yil 6 oy muddatga barcha turdagi transport vositalarini boshqaroish huquqidan mahrum qilinib, bazaviy xisoblash miqdorining 25 baravari, yaʼni 8.250.000 soʻm miqdorida jarima jazosi berildi. MJtKning 41-moddasi bilan toʻplangan ish materialiga koʻra huquqbuzarga nisbatan MJtKning 33-moddasi qoʻllanilib, bazaviy hisoblash miqdorining 3 baravari, yaʼni 990.000 soʻm jarima jazosi qoʻllanildi.
Mazkur Kodeksning 133-moddasi bilan toʻplangan ish materialiga koʻra huquqbuzar va jabrlanuvchi oʻzaro yarashganligi sababli tegishli tartibda harakatdan tugatildi. Shuningdek, MJtKning 52-moddasi 2-qismi bilan toʻplangan ish ham huquqbuzarlar va jabrlanuvchilar oʻzaro yarashganligi sababli tegishli tartibda harakatdan tugatildi.
A.Safarov, Jinoyat ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
