“MAHALLABAY” IShLASh TIZIMI ASOSIDA AHOLI XONADONLARINING SANITARIYa-GIGIYeNIK ORASTALIGI TAʼMINLANMOQDA
Aholining sanitariya-epidemiologik osoyishtaligi bilan bogʻliq muammoli masalalarni hal etishning yangicha “Mahallabay” ishlash tizimi asosida aholi xonadonlarining sanitariya-gigiyenik orastaligini taʼminlash bilan bogʻliq muammolarni hal etish, fuqarolarning sanitariya madaniyatini oshirish, yuqumli parazitar kasalliklarning oldini olish, inson salomatligiga taʼsir etuvchi omillarni oʻrganish va bartaraf etish, shuningdek, atrof-muhitni muhofaza qilish borasida sanitariya-gigiyena talablari bilan bogʻliq targʻibot ishlari olib borilmoqda.
“Mahallabay” ishlash tizimida tuman SEO va JS boʻlimi mutaxassislari tomonidan aholi xonadonlari va muassasa-tashkilotlarda, umumjamoa joylaridagi oziq-ovqat mahsulotlari savdosi va ovqatlanish oʻrinlarida hamda MTTlar, oʻquv muassasalarida Oʻzbekiston Respublikasining 2015-yildagi “Aholining sanitariya epidemiologik osoyishtaligi toʻgʻrisida”gi Qonuni, 1996-yildagi “Fuqarolar sogʻligini saqlash toʻgʻrisida”gi Qonuni ijrosi boʻyicha tegishli ishlar olib borilmoqda. Mavsumiy kasalliklardan gripp va oʻtkir respirator kasalliklari, oʻtkir yuqumli ichak kasalliklari, botulizm, oʻtkir va surunkali virusli gepatit kasalliklari, bolalar orasida koʻp uchraydigan gijja kasalliklari, oʻta xavfli boʻlgan yuqumli, yaʼni quturish, gemorragik isitma, kuydirgi kasalliklari profilaktikasi toʻgʻrisida maʼlumotlar berilib, targʻibot tadbirlari oʻtkazilmoqda.
Yuqumli kasalliklarning oldini olishga qaratilgan immunoprofilaktika samaradorligi toʻgʻrisida hamda ichimlik suviga qoʻyiladigan gigiyenik talablar, xonadonlarda sanitariya-gigiyena talablariga mos ravishda hovli qurilmalarini joylashtirish, oshxona jihozlarini toza saqlash va har kungi hosil boʻlgan chiqindilarning oʻz vaqtida olib ketilishini taʼminlash bilan bogʻliq muammolarning yechimini hal etish toʻgʻrisida ham tegishli tartibda tushuntirish ishlari olib borilmoqda.
Bu kabi amaliy ishlar hududlarda sanitariya-gigiyenik holatni yaxshilash, aholining sanitariya madaniyatini oshirishda muhim ahamiyat kasb etmoqda.
T.Babaniyazov, tuman Sanitariya-epidemiologik osoyishtalik va jamoat salomatligi boʻlimi sanitariya-shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
