YuRIDIK XIZMAT KOʻRSATISh SIFATI YaXShILANMOQDA
Yurtimizda Adliya vazirligi tizimida Yuridik xizmat koʻrsatish markazlari faoliyatining yoʻlga qoʻyilishi oʻzining ijobiy samarasini koʻrsatmoqda. Ayniqsa, yuridik xizmat koʻrsatiladigan davlat idoralarining markazlarga yuboriladigan hujjatlari loyihalarini huquqiy ekspertizadan oʻtkazish va qabul qilish jarayonlarini elektron shaklga oʻtkazuvchi “E-huquqshunos” elektron tizimi yaratilgani, ish yurituvi toʻliq raqamlashtirilib, qogʻozbozlikka barham berilgani yanada ahamiyatli boʻlmoqda.
Amudaryo tumanidagi Adliya boʻlimining Yuridik xizmat koʻrsatish markazi qonunlar ijrosi, huquqni qoʻllash amaliyotining samaradorligi, shubhasiz, davlat hokimiyati va boshqaruvi organlari tomonidan tayyorlanadigan normativ-huquqiy hujjatlar, loyihalarning sifatiga baho beradigan yagona tuzilma sifatida tanilishga ulgurdi.
Joriy yilning 10 oyi davomida Markaz tomonidan markazlashgan tizim orqali Oʻzbekiston Respublikasi Prezidentining “Davlat organlari va tashkilotlarida yuridik xizmat koʻrsatish faoliyatini yanada takomillashtirish chora-tadbirlari toʻgʻrisida”gi Qaroriga asosan tumandagi mavjud 154ta davlat organlari va tashkilotlariga sifatli hamda malakali yuridik xizmat koʻrsatildi.
Oʻtgan davr mobaynida Markazga «E-huquqshunos» elektron tizimi orqali davlat organlari va tashkilotlari tomonidan kelib tushgan 62746ta huquqiy hujjatlar oʻrganib chiqildi. Shundan 62425tasining ijrosi taʼminlangan boʻlsa, 59482tasiga ijobiy xulosalar berilgan. Qolgan 1788tasi qonun hujjatlariga muvofiq ishlab chiqilmagani sababli qayta koʻrib chiqish uchun rad javobi berilib, tashkilotlarga qaytarilgan. Shuningdek, 1155ta hujjatlarga ham qonunchilikka nomuvofiqligi sababli salbiy xulosalar berilgan, 59165ta huquqiy hujjatlar esa qonuniy tartibga muvofiqligi yuzasidan berilgan ijobiy xulosalar asosida tashkilotlar tomonidan imzolangan.
Bundan tashqari, Markaz tomonidan davlat tashkilotlarining mulkiy hamda boshqa huquqlari, qonuniy manfaatlarini oʻz vaqtida, har tomonlama va samarali himoya qilish boʻyicha 131ta talabnoma, sudlarga esa 7ta daʼvo arizalari kiritilgan. Kiritilgan davo arizalari yuzasidan jami 1 mlrd. 66 mln. soʻmdan ziyod miqdordagi pullar tashkilot foydasiga undirilgan.
Mazkur tashkilot mehnat toʻgʻrisidagi qonunchilikka rioya etilishini taʼminlashda hamda yuridik yordam koʻrsatish borasida muhim ahamiyatga ega tuzilmaga aylanib, yuridik xizmat sifati yanada yaxshilanishini, shu bilan birga rivojlanishini taʼminlamoqda.
Ozoda Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
