Navbatdagi mehnat yarmarkasida 33 nafar fuqaro doimiy ishga joylashtirildi

15-aprel kuni Amudaryo tumani Kambagʻallikni qisqartirish va bandlikka koʻmaklashish boʻlimida boʻsh ish oʻrinlari mehnat yarmarkasi oʻtkazildi.

Mehnat yarmarkasi Amudaryo tumani Kambagʻallikni qisqartirish va bandlikka koʻmaklashish boʻlimi, tuman Prokuraturasi, IIB, Oʻzbekiston Respublikasi Yoshlar ishlari agentligining tuman boʻlimi bilan xamkorlikda tashkil qilindi.

Tadbirni tuman Kambagʻallikni qishqartirish va bandlikka koʻmaklashish boʻlimi boshligʻi oʻrinbosari Bahodir Baltabayev ochdi hamda olib bordi. U oʻz soʻzida bugungi kunda mamlakatimizda aholi bandligiga koʻmaklashish, aholini ish bilan taʼminlash, boʻsh ish oʻrinlarini yaratish borasida olib borilayotgan keng islohotlar xususida toʻxtaldi.

Xususan, bandlik boʻyicha yangi taʼsirchan mexanizmlar joriy etilayotgani, ehtiyojmand aholini mehnat faoliyatiga jalb qilishda qulay shart-sharoitlar yaratilayotgani, joylarda tegishli masʼullar tomonidan yoshlarning bandligini taʼminlashda tizimli ishlar olib borilib, aholining, xususan yoshlarning muammolari, ularni ish bilan band qilish masalalari oʻrganilayotgani alohida qayd etildi.

Shuningdek, tuman prokurori yordamchisi Sanjar Abdullayev va boshqalar soʻzga chiqib, yoshlar bandligini taʼminlash borasida qator amaliy choralar koʻrilayotgani, ishsiz yoshlar bandligini taʼminlashga koʻmak berilayotgani, bu kabi amaliy ishlar aholi farovonligi, oilalarning daromadi barqarorligiga xizmat qilayotganini taʼkidladilar.

Yarmarkada 37 ta korxona va tashkilotlar 218 ta boʻsh ish oʻrinlari bilan ishtirok etdi. Mehnat yarmarkasiga tuman huddudida yashovchi ish izlovchi fuqarolar, ishsiz yoshlar va oliy taʼlim muassasalarining bitiruvchilari tashrif buyurishdi.

Yarmarkada jami 37 nafar ishsiz fuqarolar ishtirok etishdi. Ularning 14 nafari yoshlar, 18 nafari ayollar, 2 nafari bitiruvchilar, 1 nafari mehnat migratsiyasidan qaytib kelgan, 16 nafari esa ishsiz yurtdoshlarimizdir.

Mehnat yarmarkasida ishtirok etgan ishsiz fuqarolarning 33 nafari doimiy ishga joylashtirildi. Ularning 12 nafari yoshlar, 18 nafari ayollar, 2 nafari esa oliy taʼlim muassasalarining bitiruvchilaridir. Mehnat migratsiyasidan qaytib kelgan 1 nafar hamyurtimiz ham mazkur mehnat yarmarkasida ishga joylashtirildi. Yarmarka ishtirokchilaridan 1 nafari haq toʻlanadigan jamoat ishlariga jalb qilindi.

Tadbirda tuman Kambagʻallikni qisqartirish va bandlikka koʻmaklashish boʻlimi mutaxassislari 2 nafar yoshlar hamda 15 nafar ishsiz fuqarolarga mehnat qonunchiligiga oid masalalar boʻyicha maslahatlar berishdi. Bundan tashqari, yarmarkas davomida boshqa masʼullar tomonidan ham ishtirokchilarning mehnat qonunchiligi borasidagi barcha savollariga tegishli javoblar berildi.

Bu kabi mehnat yarmarkalari aholining ishsiz qatlami, ayniqsa yoshlar va ayollarni ishga joylashtirish orqali ularning jamiyatda oʻzini namoyon qilishlariga koʻmaklashish, oilalarning daromad manbaini yaratish orqali kambagʻallikni qisqartirish, kichik biznes, xususiy tadbirkorlik va oilaviy biznesni rivojlantirish orqali mamlakatimiz iqtisodiyotini yanada rivojlantirishga qaratilgani bilan ahmiyatlidir.

R.Salayev, Amudaryo tumani Kambagʻallikni qisqartirish va bandlikka koʻmaklashish boʻlimi boshligʻi