“Greenleaf” номли янги дўкон ўз фаолиятини бошлади

Соғлом турмуш тарзини тарғиб қилиш, инсон саломатлиги учун фойдали маҳсулотлардан фойдаланиш бугунги кунда жаҳон миқёсида муҳим аҳамият касб этмоқда. Айниқса, табиий ва биологик фаол қўшимчаларга бўлган талаб кун сайин ортиб бормоқда. Манғит шаҳрининг Бой овул маҳалласи ҳудудида янги “GreenLeaf” номли савдо нуқтасини ташкил қилган Азамат Қутлимуротов ва унинг турмуш ўртоғи якка тартибдаги тадбиркор Гулруҳсор Нафасовалар ҳам ана шу талабни қондиришга ҳисса қўшишни мақсад қилишган.

Янги дўконнинг очилиш маросимида туман ҳокими ўринбосари, инвестиция ва ташқи савдо бўлими бошлиғи Ҳамза Ҳайтимбетов, “Нуроний” жамғармаси туман бўлими раиси Бекман Аллаберганов, тадбиркорлар ҳамда маҳаллий аҳоли вакиллари иштирок этдилар.

Тадбир давомида сўзга чиққанлар томонидан Гулруҳсор Нафасованинг соҳадаги кўп йиллик тажрибаси, жумладан маркетинг соҳасидаги 4 йиллик фаолияти алоҳида таъкидланди. Шу билан бирга, инсон саломатлиги учун фойдали бўлган табиий ва доривор маҳсулотларнинг аҳамияти, бундай маҳсулотларнинг кенг тарғиб қилиниши аҳоли фаровонлигига хизмат қилиши қайд этилди.

Таъкидлаш жоизки, Гулруҳсор Нафасова тадбиркорлик билан 18 йилдан буён шуғулланиб келади. У маркетинг соҳасида ҳам 4 йиллик амалий тажрибага эга. Тадбиркорнинг асосий мақсади — ҳар бир хонадонда касалликлардан ҳоли соғлом муҳит яратиш ва инсон саломатлигини мустаҳкамлашга ҳисса қўшишдир.

Дўкон остонасида яхши ниятлар билан алвон рангли тасмалар кесилди ва меҳмонлар дўкондаги маҳсулотлар ҳамда харидорлар учун яратилган шарт-шароитлар билан яқиндан танишдилар. Шу куни аҳоли учун маҳсулотлар тақдимоти ҳам ўтказилди.

“GreenLeaf” корпорацияси Франция, Германия, Италия, Швейцария ва Япония каби ривожланган мамлакатлар брендлари асосида Хитойда ташкил этилган. Компания бугунги кунда дунё бўйлаб 50 дан ортиқ давлатда фаолият олиб бормоқда. У экологик тоза, сифатли ва инсон организми учун фойдали маҳсулотларни ишлаб чиқаришга ихтисослашган. Корпорация ассортиментида косметика, гигиена воситалари, соғломлаштирувчи маҳсулотлар ҳамда уй-рўзғор буюмлари мавжуд.

Аҳолига тақдим этилаётган маҳсулотлар орасида “Nilrich” брендига тегишли бўлган табиий маҳсулотлар алоҳида аҳамият касб этмоқда. Жумладан, “Krill oil” капсулалари ўзининг фойдали хусусиятлари билан эътиборга лойиқ. Ушбу капсулалар қон босимини яхшилаш, қандли диабетни даволашда ёрдам бериш, гемоглобин миқдорини ошириш, кўриш қобилиятини яхшилаш, юрак муаммоларини камайтириш, хотирани мустаҳкамлаш ва қон айланишини яхшилаш каби бир қатор ижобий самараларга эга.

Шунингдек, “Nilrich” бренди доирасидаги яна бир муҳим маҳсулот — туя сути бўлиб, у ҳам харидорлар томонидан катта қизиқиш билан қабул қилинмоқда. Туя сути кальций етишмовчилигини бартараф этиш, суяк емирилишига қарши курашиш, иммунитетни кучайтириш, соч тўкилиши ва хотира муаммоларини камайтириш, кўриш қобилиятини ошириш, терини яшартириш ҳамда холестеринни парчалаш, юрак-қон томир тизими фаолиятини яхшилашда самарали восита сифатида тавсия этилади.

Яна бир диққатга сазовор маҳсулот — Германияда ишлаб чиқарилган жасмин кўк чойидир. У инсон организмига кўп қиррали фойда бериши билан ажралиб туради. Хусусан, ортиқча вазндан халос бўлиш, асабни тинчлантириш, ошқозон ва ичак муаммоларини бартараф этиш, қариш жараёнини секинлаштиришда фойдали ҳисобланади. Ушбу чой юзга ниқоб сифатида суртилганда эса терини майинлаштириш ва тортилишини таъминлаш хусусиятига эга.

Барча маҳсулотлар 100 фоиз табиий ва экологик тоза ҳисобланади. Шунингдек, тадбир доирасида муаммоли юзлар учун мўлжалланган ажин ва доғларга қарши косметик воситалар, оқартирувчи маҳсулотлар ҳам намойиш этилди. Ушбу воситалар аҳоли ўртасида катта қизиқиш уйғотди.

Амударё туманида иш бошлаган “GreenLeaf” савдо дўкони нафақат сифатли ва табиий маҳсулотларни тақдим этмоқда, балки аҳолини соғлом турмуш тарзига ундаётган муҳим ташаббуслардан бирига айланмоқда. Тадбиркор Гулруҳсор Нафасова ва унинг жамоаси бу фаолият орқали туманда соғлом муҳит яратишга ва аҳоли фаровонлигига муносиб ҳисса қўшиши, шубҳасиз.

Шоҳзод Қурбонбоев.