Туман фермерлар кенгаши Раёсатининг навбатдаги йиғилиши бўлиб ўтди
Амударё туман фермерлар кенгаши Раёсатининг навбатдаги йиғилиши бўлиб ўтди. Йиғилишда туман қишлоқ хўжалиги соҳасида амалга оширилаётган ислоҳотлар, 2025 йил фаолияти якунлари ҳамда 2026 йил учун устувор вазифалар муҳокама қилинди.
Йиғилиш кун тартибида, аввало, Амударё туман фермерлари кенгашининг 2025 йилда амалга оширган ишлари таҳлил этилди. Ҳисоботда пахта ва ғалла етиштириш, ер унумдорлигини ошириш, сув ресурсларидан оқилона фойдаланиш, агротехник тадбирларни ўз вақтида амалга ошириш бўйича эришилган натижалар атрофлича кўриб чиқилди. Шунингдек, айрим йўналишларда йўл қўйилган камчиликлар танқидий муҳокама қилиниб, уларни бартараф этиш юзасидан таклифлар билдирилди.
Йиғилишда Ўзбекистон Республикаси Президентининг 2025 йил 9 декабрдаги “Пахтачилик ва ғаллачиликда ҳосилдорликни ошириш учун юқори самарадор интенсив агротехнологияларни қўллашнинг қўшимча чора-тадбирлари тўғрисида”ги қарори мазмун-моҳиятига алоҳида эътибор қаратилди. Мазкур қарорга мувофиқ, интенсив агротехнологияларни жорий этиш, замонавий уруғлик навлардан фойдаланиш, минерал ўғитлар ва ҳимоя воситаларини илмий асосда қўллаш, рақамли технологиялардан фойдаланиш каби вазифалар белгилаб берилгани таъкидланди.
Қарорда назарда тутилган имтиёзлар, жумладан, молиявий қўллаб-қувватлаш механизмлари, имтиёзли кредитлар, техника ва ресурслар билан таъминлаш масалалари бўйича фермерларга тушунтиришлар берилди. Бу имкониятлардан самарали фойдаланиш орқали ҳосилдорликни ошириш ва маҳсулот таннархини пасайтириш мумкинлиги қайд этилди.
Шу билан бирга, 2026 йилда амалга ошириладиган ишлар режаси белгилаб олинди. Унда интенсив технологияларни кенг жорий этиш, сув тежамкор усуллардан фойдаланиш, тупроқ унумдорлигини сақлаш ва ошириш, агросаноат кооперациясини ривожлантириш каби йўналишлар устувор вазифа сифатида белгиланди. Фермерлар ўртасида илғор тажрибаларни оммалаштириш, малака ошириш семинарларини ташкил этиш масалалари ҳам муҳокама қилинди.
Йиғилиш давомида кун тартибидаги масалалар юзасидан фикр-мулоҳазалар билдирилиб, тегишли қарорлар қабул қилинди. Муҳокамалар конструктив руҳда ўтиб, ҳар бир масала юзасидан аниқ вазифалар ва масъуллар белгилаб берилди.
Йиғилишда қишлоқ хўжалиги соҳасида амалга оширилаётган ислоҳотларнинг амалий натижаси сифатида фермер хўжаликларининг фаолият самарадорлигини янада ошириш, пахтачилик ва ғаллачиликда юқори ҳосилдорликка эришиш бўйича муҳим йўналишлар белгилаб олинди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
