Ўзбекистонда илк марта ҳужайрани кўчириб ўтказиш операцияси ўтказилади

Шу йил охирига бориб Ўзбекистонда (стволовые клетки) ҳужайралар трансплантацияси бўйича биринчи жарроҳлик операцияси ўтказилади. Бу ҳақда Podrobno интернет-нашри мухбирига Гематология ва қон қўйиш илмий тадқиқот институти  (ИТИ) ходими маълум қилган.

 Унинг сўзларига кўра, мазкур жарроҳлик амалиёти институтда шу йилнинг ноябрь ойида туркиялик шифокорлар билан ҳамкорликда ўтказилади. Турк жарроҳлари ҳамроҳлигида шу каби бир нечта операцияларни ўтказиш режалаштирилган. Ўзбекистон ва туркиялик тиббиётчиларнинг ўзаро ҳамкорлиги Анқарада жойлашган суяк ҳужайраларини ўтказиш бўйича онкология маркази билан тузилган шартнома асосида олиб борилмоқда.

 Таъкидлаш жоиз, ҳозирга келиб Тошкентдаги Гематология ва қон қуйиш ИТИда трансплантация бўлими иш олиб бормоқда. Бу ерга тиббий асбоб-ускуналарнинг бир қисми олиб келиб ўрнатилган. 12 нафар ўзбекистонлик шифокоор эса хорижда амалиёт ўтаб қайтди ва шу турдги жарроҳлик амалиётини ўтказиш учун сертификатга эга бўлди. Институт мутахассисининг айтишича, Ўзбекистонда ҳужайра трансплантациясининг нархи $70 - 200 минг атрофида экан. 

 Эслатиб ўтамиз, аслида биринчи ана шундай мураккаб операция шу йилнинг феврал ойида ўтказилиши керак эди. Бироқ асбобларни келтириш билан боқлиқ муаммолар ва туркиялик шифокорларнинг бўш вақт топа олмагани сабабли уни қолдиришга тўғри келди.

(Манба - http://www.darakchi.uz)