АМУДАРЁ АХБОРОТ-КУТУБХОНА МАРКАЗИ БИЛАН ҲАМКОРЛИКДА “ЁШ КИТОБХОНЛАР” УЧРАШУВИ ЎТКАЗИЛДИ
Ёшлар маънавиятини юксалтириш, улар онгида Ватанга муҳаббат, миллий ва умуминсоний қадриятларга садоқат руҳини шакллантириш, китобхон ёшларни тенгдошларига ўрнак қилиб кўрсатиш орқали бошқаларни ҳам китоб ўқишга даъват қилиш мақсадида жорий йилнинг 16 март санасида Амударё туман ахборот-кутубхона маркази билан ҳамкорликда Амударё телевидениесининг Ўзбекистон Республикаси Олий Мажлиси ҳузуридаги ННТлар ва фуқаролик жамиятининг бошқа институтларини қўллаб-қувватлаш жамоат фонди томонидан молиялаштирилган “Юксак маънавиятли ва ахлоқли ёшлар – келажак пойдевори” лойиҳаси доирасида ёш китобхонлар билан учрашув тадбири ўтказилди.
Учрашув тадбирида Ўзбекистон Ёзувчилар уюшмаси аъзоси, Қорақалпоғистон Республикасида хизмат кўрсатган журналист, лойиҳа координатори Робия Йўлдошева, “Тараққиёт кўзгуси” газетаси маъсул котиби Озода Худойберганова ҳамда Зулфия номидаги давлат мукофоти соҳибаси Барно Самандарова, Амударё муҳандислик техникуми талабалари ва китобхон ёшлар иштирок этдилар.
“Ёш китобхонлар” учрашувида Ахборот-кутубхона марказининг библиография хизмати бўлими мудири Роҳатой Романова сўзга чиқиб, Амударё муҳандислик техникуми талабалари, умумтаълим мактабларининг китобхон ёшларига Ахборот-кутубхона фаолияти, китоб жамғармаси, китобхонларнинг тоифалари хусусида маълумот бериб, учрашувда иштирок этаётган китобхон ёшларга янги китоблар ва уларнинг ёшлар тарбиясидаги ўрни ҳақида батафсил сўз юритди.
Шундан сўнг, “Ёш китобхонлар” учрашув тадбири иштирокчилари билан Робия Йўлдошева дилдан суҳбат ўтказилди. Дилдан мулоқот тарзидаги суҳбат асносида Робия Йўлдошева китобнинг ўз ҳаётида тутган ўрни, айниқса, инсоннинг шахс сифатида шаклланишидаги аҳамияти ҳақида ёшларга ибратли ҳикоялар мисолида тушунчалар, тавсиялар берди. Айниқса, китобхонлик инсонинг нутқ ва муомала маданиятини юксалтириши, билимдон, дунёқараши кенг шахс сифатида шаклланишида муҳим аҳамият касб этишни ҳаётий мисоллар орқали ифодалаб, туманимиздаги китобга меҳр қўйиб, ҳаётда ўз тенгдошларига намуна бўлаётган ёшлар кўплигини мамнуният билан таъкидлади.
Тадбирда “Тараққиёт кўзгуси” газетаси масъул китобаси Озода Худойберганова ҳам сўзга чиқиб, китоб туфайли ўзи ҳаётда эришган ютуқлари ҳақида сўз юритиб, ёшларни янада кўпроқ ўқишга, китобхонликни энг яхши, энг севимли машғулот сифатида доимий кун тартибига киритиб, мунтазам шуғулланишга даъват этди.
Зулфия номидаги давлат мукофоти соҳибаси, 35-сонли умумтаълим мактабининг 11-синф ўқувчиси Барно Самандарова билан ёш китобхонларнинг самимий суҳбати ҳаяжонли дақиқаларга бой бўлди. Барнохон Самандарова китобхонлик унга нафақат билимдонлик сари, балки келажак орзулари сари ҳам ёруғ йўл очганини қувонч билан таъкидлади.
Инсон қанчалик кўп китоб ўқиса, нафақат унинг билиш савияси юксалади, балки дунёқараши кенгайиб, ҳаётда тобора фаоллашиб боради. Ҳар қандай вазиятда ўз фикрини юксак маърифати, маънавияти билан ифода этиш орқали, суҳбатдошларига маънавий таъсир ўтказа олади. Бўлиб ўтган “Ёш китобхонлар” билан учрашув тадбири ёшлар қалбида ана шундай эзгу туйғуларни уйғотгани билан муҳим аҳамият касб этди.
Равшан Баҳромов, Маҳмуджон Шомуродов.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
