Давлат хавфсизлик хизмати Раиси кубоги мусобақасининг туман босқичи ғолиблари тантанали равишда тақдирланди
14 июнь куни Давлат хавфсизлик хизмати Раиси кубоги учун ўтказилган футбол ва мини футбол бўйича мусобақаларнинг Амударё тумани босқичи ғолиб ва совриндорларини тантанали тақдирлаш маросими бўлиб ўтди. Унда туман ҳокими Султонбой Йўлдашев, секторлар раҳбарлари, Давлат хавфсизлик хизмати Амударё туман бўлинмаси бошлиғи Санжар Назаров, туман ҳокими ўринбосарлари, ғолиб ва совриндор жамоалар, ёшлар етакчилари, фаол ёшлар иштирок этишди.
Тантанали тақдирлаш маросимида туман ҳокими Султонбой Йўлдашев мамлакатимизда спорт соҳасига қаратилаётган эътибор, айниқса ёшлар орасида спортни ва соғлом турмуш тарзини тобора оммалаштириш борасида олиб борилаётган ишлар хусусида айтиб ўтди. Шунингдек, туман ҳокими ўз сўзида ушбу босқичга етиб келиб, унда муваффақиятли қатнашган ва ғолибликни қўлга киритган жамоаларни қизқин табриклаб, кейинги – ҳудудий ва Республика босқичларида ҳам омад тилади.
Айтиш керакки, ёшларнинг бўш вақтларини мазмунли ташкил этиш, улар ўртасида оммавий спортни ривожлантириш ҳамда соғлом турмуш тарзини кенг тарғиб қилиш мақсадида Республикамизнинг барча ҳудудларида Давлат хавфсизлик хизмати кубоги мусобақалари ўтказилмоқда.
Амударё туманида ҳам жорий йилнинг 12 апрель куни мазкур мусобақага старт берилган эди. Шу кундан бошлаб маҳалла ёшларидан иборат жамоалар спротнинг футбол ва мини футбол турлари бўйича ўзаро беллашдилар. Аҳамиятлиси, шиддатли ва муросасиз кечган ушбу мусобақалар қизлар ўртасида ҳам ўтказилиб, улар ҳам мусобақаларда муносиб иштирок этишди.
Футбол бўйича саралаш, сектор босқичларидан мувафаққиятли ўтиб, туман босқичига етиб келган жамоалар ўртасидаги беллашув 27 май куни Дўстлик маҳалласи ҳудудидаги Болалар ва ўсмирлар спорт мактабига қарашли майдонда бўлиб ўтган эди.
Якуний натижаларга кўра, футбол бўйича Давлат хавфсизлик хизмати кубоги мусобақасининг туман босқичида мутлоқ ғолибликни Тўлқин овули ёшлари эгаллашган бўлса, иккинчи ўринга куюк-кўпирлик ёшлар жамоаси муносиб деб топилди. Учинчи ўринни эса Холимбег овули ёшлари эгаллашди.
Мини футбол бўйича эса, Бўстон маҳалласи ёшлари фахрли биринчи ўринни, Хизир эли маҳалласи ёшлари иккинчи ўринни, Дарёбўйи маҳалласи ёшлари эса учинчи ўринни эгалладилар.
Қизлар ўртасида кечган шиддатли мусобақаларда холимбеглик қизлар биринчи ўринни, Қиличбой овули қизлари иккинчи ва Оқ олтин овули қизларидан иборат жамоа учинчи ўринни эгаллади. Футбол мусобақасида мутлоқ ғолибликни қўлга киритган жамоалар ҳудудий босқичда қатнашиш учун йўлланмани қўлга киритишди.
Тақдирлаш маросимида ғолиб жамоаларга Давлат Хавфсизлик хизмати Раиси кубоги тантанали тарзда топширилди. Шунингдек, туман босқичи ғолибларининг ҳар бирига қимматбаҳо совғалар, медаль ҳамда ташаккурномалар топширилди.
Тадбирда сўзга чиққанлар жамаоларнинг ҳудуий ва республика босқичларида ҳам фахрли биринчи ўринни олишларига тилакдошлик билдириб, омад тилашди. Тақдирлаш маросимида туманимизнинг таниқли эстрада юлдузлари томонидан концерт дастури намойиш этилиб, ёшларга хуш кайфият улашилди.
Ёшлар она Ватан, дўстлик, севги ва муҳаббат тараннум этилган гўзал қўшиқларга рақсга тушдилар. Тантанали тақдирлаш маросими барча ёшлар дилида ўчмас тассуротлар қолдирди.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
