КОРРУПЦИЯГА ҚАРШИ КУРАШ САМАРАДОРЛИГИНИ ОШИРИШГА БАҒИШЛАНГАН ЙИҒИЛИШ БЎЛИБ ЎТДИ
Коррупция – тараққиёт кушандаси эканлиги, барча соҳаларда амалга оширилаётган ислоҳотлар суръатига салбий таъсир кўрсатиши барчага аён.
Тобора теран илдиз отаётган ушбу иллатга қарши кураш самарадорлигини ошириш мақсадида давлатимиз раҳбарининг “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида”ги Фармони қабул қилинди. Мазкур ҳужжат билан Ўзбекистон Республикаси Коррупцияга қарши курашиш Агентлиги ташкил этилди ва фаолият олиб бораяпти. Қонунийлик, холислик, очиқлик ва шаффофлик принциплари асосида мустақил равишда фаолият юритувчи Агентлик барча давлат органлари, ташкилотларда коррупция ҳолатини тизимли таҳлил этиш, коррупцияга оид ҳуқуқбузарликлар содир этилишининг сабаб ва шароитларини аниқлаш, коррупциянинг олдини олиш ва унга қарши курашиш соҳасидаги давлат сиёсатини юритади. Шунингдек, ушбу салбий иллатга қарши мулкчилик шаклидан қатъий назар корхона, ташкилотларда ҳам муросасиз кураш олиб борилиши кечиктириб бўлмайдиган вазифадир.
Яқинда Амударё тумани Солиқ қўмитасида ҳам коррупцияга қарши кураш самарадорлигига эришишга бағишланган йиғилиш бўлиб ўтди.
Йиғилишда Қорақалпоғистон Республикаси Солиқ бошқармаси Шахсий хавфсизлик бўлими ходими Элёр Ешназаров, туман прокурорининг катта ёрдамчиси Шарьяр Жолдасов, Ички ишлар бўлими ходими Илҳом Абутов, туман бош имоми Абдураҳмон Матсафоев, давлат солиқ қўмитаси ходимлари иштирок этдилар.
Коррупцияга қарши курашиш борасида “Биз бир жамоа – коррупцияга қаршимиз!” мавзусида ўтказилган йиғилишни туман Солиқ қўмитаси бошлиғи Айдос Сеитов очди. Қорақалпоғистон Республикаси солиқ хизмати органларида коррупцияга қарши кураш борасида амалга оширилган чора-тадбирлар борасида Қорақалпоғистон Республикаси Давлат солиқ қўмитаси Шахсий хавфсизлик бўлими ходими Элёр Ешназаров маъруза қилди. Таъкидланишича, солиқ хизмати органларида ходимларга муносиб иш шароити яратилганлигига, яхши маош тайинланганлигига қарамасдан, айрим ходимлар ўз шахсий манфаати йўлида коррупцияга йўл қўяётган ва солиқ хизмати ходими деган шарафли номга доғ тушираётган ҳолатлар ҳам учраётир.
Маърузачи ўз сўзи охирида туман Солиқ қўмитаси ходимларини ўз хизмат лавозимини сидқидилдан бажаришга, хизмат вақтида одоб-ахлоқ қоидаларига амал қилишга, раҳбариятнинг қонуний топшириқларини виждонан адо этишга, Давлат фуқаролик хизматчиси эканлигини унутмасликка ва фаолиятини “Ҳалоллик вакцинаси” тамойили асосида олиб боришга даъват этди.
Йиғилишда туман Ички ишлар бўлими ходими Илҳом Абутов, туман бош имоми Абдураҳмон Матсафоев ҳам йиғилиш кун тартибидаги мавзу юзасидан ўз фикр-мулоҳазаларини билдирдилар ва барчани коррупцияга қарши ҳамжиҳатликда курашишга чақирдилар. Боиси, бу иллат ҳар қандай давлат, жамиятнинг сиёсий-иқтисодий ривожланишига жиддий путур етказиб, инсон ҳуқуқ ва эркинликларининг поймол бўлишига олиб келади.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
