EʼZOZ VA EʼTIROF – AYoLGA BOʻLGAN YuKSAK HURMAT IFODASIDIR
8-mart — Xalqaro xotin-qizlar kuni yurtimizda nafaqat bayram, balki ayol zotiga boʻlgan yuksak ehtirom, mehr va eʼtiborning yorqin ifodasi sifatida keng nishonlanadi. Bu sana orqali jamiyat va davlat hayotida, oila va mahalla tizimida, turli soha va tarmoqlarda fidokorona mehnat qilib kelayotgan xotin-qizlarning oʻrni va nufuzi yana bir bor eʼtirof etiladi. Ayniqsa, umrini xalq xizmatiga bagʻishlagan, oʻz mehnati, sabr-toqati va matonati bilan koʻpchilikka oʻrnak boʻlgan moʻʼtabar ayollarga koʻrsatilayotgan hurmat va eʼzoz bu bayramning chinakam maʼno-mazmunini namoyon etadi.
Bayram arafasida Amudaryo tumani prokuraturasi xodimlari tumanda yashovchi ana shunday eʼzozli ayollardan biri, umr boʻyi prokuratura sohasida mashaqqatlardan choʻchimay, fidoyi mehnat qilgan Gulora Bobojonova xonadoniga tashrif buyurdilar. Ular moʻʼtabar onaxonni Xalqaro xotin-qizlar kuni bilan samimiy muborakbod etib, unga chuqur ehtirom va ezgu tilaklarini izhor qildilar.
8-mart Xotin-qizlar kuni munosabati bilan prokuratura organlarida koʻp yillar davomida fidokorona xizmat qilib, yosh mutaxassislarni tarbiyalash, ularning bilim va malakasini oshirish hamda kasbiy koʻnikmalarini rivojlantirishga salmoqli hissa qoʻshgan bir guruh faxriylarni ragʻbatlantirish maqsadida Oʻzbekiston Respublikasi Bosh prokurorining tegishli buyrugʻi asosida prokuratura organlari faxriysi Gulora Bobojonova “Fidoiy murabbiy” koʻkrak nishoni bilan taqdirlandi. Ushbu yuksak mukofot Qoraqalpogʻiston Respublikasi prokuraturasi rahbariyati tomonidan unga esdalik sovgʻalari bilan tantanali tarzda topshirildi.
Gulora Bobojonovaning koʻp yillik halol va samarali mehnati, ayniqsa, yosh kadrlarni tarbiyalash, ularni yetuk mutaxassis etib shakllantirish, sohada ilmiy-metodik yondashuvlarni mustahkamlash yoʻlidagi xizmatlari munosib eʼtirof etib kelinmoqda. U 2022-yilda ham tizimda koʻp yillar davomida fidokorona xizmat qilgani, yosh mutaxassislarning bilim va malakasini oshirish, kasbiy koʻnikmalarini rivojlantirish hamda faoliyatni ilmiy-metodik jihatdan taʼminlashga qoʻshgan salmoqli hissasi uchun “Faxriy xodim” koʻkrak nishoni bilan taqdirlangan edi.
Shuningdek, Gulora Bobojonova Oʻzbekiston Respublikasi prokuratura organlari xodimlari kuni munosabati bilan uning prokuratura tizimidagi samarali va ibratli mehnati yana bir bor yuksak baholanib, Qoraqalpogʻiston Respublikasi Joʻqorgʻi Kengesi Prezidiumining 2024-yil 8-yanvardagi qaroriga muvofiq “Ibratli ayol” koʻkrak nishoni bilan ham taqdirlangan.
Bunday eʼtirof va hurmat, avvalo, ayolning jamiyatdagi oʻrni qanchalik beqiyos ekanini koʻrsatadi. Gulora Bobojonova kabi fidoyi, matonatli va tajribali ayollar oʻz hayot yoʻli, mehnat faoliyati va insoniy fazilatlari bilan nafaqat soha vakillari, balki yosh avlod uchun ham haqiqiy ibrat maktabidir.
Xalqaro xotin-qizlar kuni bayrami ana shunday ayollarni qadrlash, ularning mehnatlarini ulugʻlash va ezgu ishlarini keng jamoatchilikka namuna sifatida koʻrsatish uchun yana bir imkoniyat boʻldi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
