“Biz yoshlar - terrorizm va diniy ekstrimizmga qarshimiz” mavzusida profilaktik tadbir oʻtkazildi
Axborot kommunikatsiya va informatsion texnologiyalarning tez surʼatlardagi taraqqiyoti gʻoyaviy taʼsir oʻtkazish imkoniyatlarining kengayishiga turtki boʻlib, yoshlarning har xil diniy oqimlarga kirib ketishlariga ham sabab boʻlayotir. Mana shunday ayanchli oqibatlarning oldini olish, yoshlarni vayronkor gʻoyalardan himoya qilish maqsadida Respublikamiz boʻylab turli xil profilaktik tadbirlar oʻtkazilib kelinmoqda. Shunday tadbirlardan biri 21-dekabr kuni Amudaryo tumanidagi 57- va 87-sonli maktablarda “Biz yoshlar – terrorizm va diniy ekstrimizmga qarshimiz” shiori ostida boʻlib oʻtdi.
Tadbirda Amudaryo tuman Xalq taʼlim boʻlimi, Respublika Maʼnaviyat va maʼrifat markazi Amudaryo tumani boʻlinmasi, Vazirlar mahkamasi huzuridagi Din ishlari boʻyicha qoʻmitasi Qoraqalpogʻiston Respublikasi hududiy boshqarmasining Amudaryo tumani Bosh mutaxassisi hamda Davlat xavfsizlik xizmati xodimlari ishtirok etishdi.
Tadbirni 87-sonli maktab direktorining oʻrinbosari Mahbuba Madaminova kirish soʻzi bilan ochdi va tadbir ishtirokchilarini taklif etilgan mehmonlar va mutaxassislar bilan tanishtirdi. Shuningdek, tadbirdan koʻzlangan asosiy maqsad, oʻquvchi-yoshlarni toʻgʻri yoʻldan ozdirishga harakat qilayotgan turli buzgʻunchi gʻoyalarga qarshi immunitetni shakllantirish, zarur vaqtda ana shunday kuchlarga qarshi maʼrifat ilmi bilan kurashish kerakligini tushuntirishdan iborat ekanligi haqida gapirib oʻtdi.
Shundan soʻng soʻzga Vazirlar mahkamasi huzuridagi Din ishlari boʻyicha qoʻmitasi hududiy boshqarmasining Qoraqalpogʻiston Respublikasi Amudaryo tumani bosh mutaxassisi Muzaffar Sherimbetov chiqib, oʻquvchi-yoshlarga murojaat qildi. Taʼkidlanganidek, hozirgi kunda shiddat bilan oʻzgarib borayotgan tahlikali davrda bir tomondan uyushgan jinoyatchilik, giyohvandlik, odam savdosi kabi tahdidlar kuchayib borayotgan boʻlsa, ikkinchi tomondan gʻoyaviy tahdidlar – axborot xuruji, diniy ekstremizm va missionerlik harakatlari tinchlik va osoyishtalikka oʻz taʼsirini oʻtkazmoqda.
Respublika Manaviyat va maʼrifat markazi Amudaryo tuman boʻlimi mutaxassisi Nizom Yusupov oʻz soʻzida mustaqillikka erishganimizning ilk kunlaridanoq, yoshlarni qoʻllab-quvvatlash masalasiga katta eʼtibor berilayotganini taʼkidlab oʻtdi. Afsuski, baʼzi gʻoyaviy immuniteti past, dunyoqarashi tor boʻlgan, intellektual salohiyati yetarli boʻlmagan baʼzi yoshlarimiz, bilib-bilmay turli yot oqimlarga kirib qolayotgani afsuslanarli holdir.
Amudaryo tumani Ichki ishlar boʻlimi terrorizm va ekstremizga qarshi kurashish guruhi katta tezkor vakili Otabek Bekchanov soʻzga chiqib, bugungi kunda islom dinini niqob qilib, noinsoniy harakatlarni olib borayotgan terrorchilik tashkilotlar qoʻlida qurol bilan musulmon davlatlarida olib borayotgan xunrezliklar hamda ekstremistik qoʻllanmalar tarqatish orqali dunyo yoshlarini ongini zaharlab oʻzlarining gʻarazli niyatlarini amalga oshirayotganligini taʼkidlab oʻtdi. Tadbir davomida oʻquvchilarga terrorizm haqida hujjatli film namoyish etildi. Tadbir soʻngida oʻquvchi-yoshlar oʻzlarini qiziqtirgan savollariga mutaxassislar tomonidan javoblar oldilar.
Fotima Eshimbetova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
