OʻQUVChILAR OʻRTASIDA MAKTAB KUBOGI UChUN BARChA FANLARDAN BELLAShUV TAShKIL ETILDI
Yurtimizda yosh avlodni kelajakning munosib bunyodkorlari, komil insonlar boʻlib voyaga yetishlariga imkoniyat yaratishga alohida eʼtibor qaratilmoqda. Bunda, albatta, taʼlim sohasida amalga oshirilayotgan islohotlar oʻzining ijobiy samarasini bermoqda. Yoshlar mamlakatning ertangi kuniga daxldor ekanliklarini anglagan holda bugungi imkoniyatlardan foydalanib chuqur bilim egallashga, barcha sohalarda oʻz iqtidorlarini namoyon etishga harakat qilishmoqda va kelajakning munosib vorislari ekanligini koʻrsatishmoqda.
Oʻquvchilarning taʼlim olishga boʻlgan qiziqishlarini yanada oshirish, ular oʻrtasida sogʻlom raqobatni shakllantirish maqsadida 69-sonli maktabda ham maktab direktori Dilshod Babaniyozov tashabbusi bilan maktab kubogi uchun barcha fanlardan oʻquvchilar oʻrtasida bellashuv tashkil etildi.
Ushbu bellashuvda maktabdagi jami 714 oʻquvchidan 500 nafarga yaqini ishtirok etdi. Maktab kubogi uchun oʻtkazilgan bellashuvni tashkil qilish va oʻtkazishda maktabning boshlangʻich sinflar uslubiy birlashmasi rahbari Jumagul Boltayeva, aniq fanlar uslubiy birlashmasi rahbari Rustam Vaisov, chet tillar uslubiy birlashmasi rahbari Barno Sapayeva, Biologiya fanlari uslubiy birlashmasi rahbari Munavvar Matjanova, ona tili va adabiyoti fani uslubiy birlashmasi rahbari Mahbuba Sariyeva, amaliy fanlar uslubiy birlashmasi rahbari Malohat Boltayeva, faol oʻqituvchilardan Barchinoy Ishmatova, Sanamjon Matyakubova, Najmatdinova Saida, Dildora Qoʻshnazarova, Xosiyat Oʻrazboyeva, Zamira Asqarova, Yulduz Saidmurodovalarning xizmati katta boʻldi.
Aytish joizki, 2021-2022-oʻquv yilida 69-sonli maktabda samarali ishlar amalga oshirildi. Oʻquvchilarga sifatli taʼlim-tarbiya berish asosiy maqsadi boʻlgan jonkuyar ustozlar maktabda samarali mehnat qilib kelmoqdalar. Yakuniga yetayotgan 2021-2022 oʻquv yilida eng yaxshi fan oʻqituvchisi nominatsiyasi bilan taqdirlangan oʻqituvchilardan Barchinoy Ishmatova, Munavvar Matjanova, Bahrom Matmurodov, Mahbuba Sariyeva hamda maktabning maʼnaviy-maʼrifiy ishlar boʻyicha direktor oʻrinbosarlari Dilshod Boltayev, Joʻrabek Tajimurodovlar, oʻquv ishlari boʻyicha direktor oʻrinbosari Oʻktam Matniyazov, Jahongir Jumanovlar ham taʼlim-tarbiya borasidagi ishlarning rivoji uchun munosib hissalarini qoʻshib kelishmoqda.
Bellashuvda oʻquvchilar eng yaxshi futbol jamoasi, atletika gʻolibi, Al-xorazmiy izdoshlari, biologiya bilimdoni, fizika bilimdoni, eng yaxshi kimyogar, ona tili bilimdoni, chet tili bilimdoni, rus tili bilimdoni, yosh tarixchilar nominatsiyalarini qoʻlga kiritish uchun bor imkoniyatlarini ishga soldilar. Oʻquvchilar oʻzlarining sport mahorati va fanlardan olgan bilimlarini namoyish qilib, bir-birlaridan ortda qolmaslikka harakat qildilar. Maktabning 1-sinfidan to 11-sinfiga qadar boʻlgan oʻquvchilari oʻz zakovati va iqtidorlarini sinovdan oʻtkazish davomida bilimlarini ham yanada oshirishdilar.
Bellashuv yakunida nomnatsiyalar boʻyicha gʻoliblar eʼlon qilindi va ularni taqdirlash marosimi yuqori saviyada tashkil qilindi. Eng yuqori ball olgan oʻquvchilarga maktab kubogi topshirildi.
Qiziqarli oʻtgan bellashuv barcha oʻquvchi va oʻqituvchilarga juda manzur boʻldi va katta taassurotlar qoldirdi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
