“UMID NIHOLLARI-2022” SPORT MUSOBAQASINING QORAQALPOGʻISTON BOSQIChIDA AMUDARYoLIK SPORTChILAR JAMOASI 2-OʻRIN SOHIBI BOʻLIShDI

“Umid nihollari-2022” sport musobaqasining Qoraqalpogʻiston Respublikasi final bosqichi boʻlib oʻtdi. Unda yosh sportchilar futbol, basketbol, gandbol, voleybol, badminton, yengil atletika, stol tennis, shaxmat, kurash, sport gimnastika, badiiy gimnastika kabi 11 ta sport turi boʻyicha gʻoliblik uchun kuch sinashishdi.

2022-yil 13-15-aprel kunlari Nukus shahrida  boʻlib oʻtgan mazkur musobaqalarda barcha tumanlardan kelgan sportchilar qatori amudaryoliklar ham faol ishtirok etib, gʻoliblik shohsupasini egallashga intilishdi.

Sportning basketbol turi boʻyicha – oʻsmirlar oʻrtasida 33-,52-sonli maktablarning terma jamoasi oʻsmirlar oʻrtasida faxrli I-oʻrinni, qizlar oʻrtasida 19-,32-,53-sonli maktablarning terma jamoasi faxrli III-oʻrinni, gandbol boʻyicha – qizlar oʻrtasida 41-sonli maktab jamoasi faxrli II-oʻrinni, sport gimnastika turi boʻyicha – 20-sonli maktab oʻquvchilari Dilnura Davlatboyeva va Barchinoy Baxtiyarovalar faxrli III-oʻrinni egallashdi.

Yengil atlektika boʻyicha 100 metrga yugurishdan – oʻsmirlar oʻrtasida 1-maktab oʻquvchisi Sardor Rahimov faxrli I-oʻrinni, 200 metrga yugurishdan – qizlar oʻrtasida – 19-maktab oʻquvchisi Gulbonu Oʻrinboyeva faxrli II-oʻrinni, 400 metrga yugurishdan – qizlar oʻrtasida 19-sonli maktab oʻquvchisi Gulbonu Oʻrinboyeva faxrli III-oʻrinni, 800 metrga yugurishdan qizlar oʻrtasida – 35-sonli maktabdan Dinora Matyakubova faxrli II-oʻrinni, uzunlikka sakrash boʻyicha qizlar oʻrtasida – 50-sonli maktabdan Dilfuza Matmurodova faxrli II-oʻrinni,  4x100 estafeta boʻyicha – 35-sonli maktab oʻquvchisi Zebo Davlatboyeva, 19-sonli maktab oʻquvchisi Gulbonu Oʻrinboyeva, 50-sonli maktab oʻquvchisi Dilfuza Matmurodova, 25-sonli maktabdan Tillo Shomurodovalar faxrli II-oʻrinni qoʻlga kiritishga muvaffaq boʻlishdi.

Shuningdek, sportning kurash turi boʻyicha 7-8-sinf oʻquvchilar oʻrtasida 38 kg. vazn toifasida 31-sonli maktabdan Xalil Ozodov faxrli III-oʻrinni, 42 kg. vazn toifasida 75-sonli maktabdan Komron Allaniyozov faxrli III-oʻrinni,  9-11-sinf oʻquvchilar oʻrtasida esa 50 kg. vazn toifasida 64-sonli maktab oʻquvchisi Botir Saʼdullayev faxrli III-oʻrinni, 65 kg. vazn toifasida 29-sonli maktab oʻquvchisi Javohir Xudoyberganov faxrli I-oʻrinni, +70 kg. vazn toifasida ham 29-maktab oʻquvchisi Samandar Joʻlliboyev faxrli III-oʻrinni egalladilar va umumjamoa hisobida V-oʻrindan joy olishdi.

Undan tashqari, sportning shaxmat turi boʻyicha 13 yoshgacha boʻlgan qizlar oʻrtasida 69-sonli maktab oʻquvchisi Xolida Otajonova faxrli III-oʻrinni, 15 yoshgacha boʻlgan qizlar oʻrtasida 56-sonli maktab oʻquvchisi Umida Toʻliboyeva faxrli II-oʻrinni, 17 yoshgacha boʻlgan oʻsmirlar oʻrtasida 46-sonli maktab oʻquvchisi Azizbek Rajabovlar faxrli II-oʻrinni egalladilar.

“Umid nihollari-2022” sport musobaqasining Qoraqalpogʻiston final bosqichida Amudaryo tumani sportchi-yoshlari 14 ta oltin, 21 ta kumush va 20 ta bronza medal, jami 55 ta medal bilan umumjamoa hisobida faxrli II-oʻrin gʻoliblari boʻlishdi.

Maʼlumot uchun: “Umid nihollari-2018” sport musobaqasida amudaryolik yosh sportchilar 3-oʻrinni egallagan edi. Pandemiya sababli joriy yilda boʻlib oʻtgan “Umid nihollari-2022” musobaqasida esa umumiy hisobda 2-oʻrin gʻolibligini qoʻlga kiritishdi.

Musobaqada gʻolib va sovrindor boʻlgan har bir I-oʻrin gʻolibi noutbuk, II-oʻrin gʻolibi televizor, III-oʻrin gʻolibi velosoped, har bir ishtirok etgan oʻquvchi sport kiyimlar toʻplami bilan taqdirlandilar. Ushbu musobaqada sovrindor boʻlgan oʻquvchilarga taʼlim berayotgan 7 nafar jismoniy tarbiya fani oʻqituvchilariga ham sport kiyimlar toʻplami va sport sumkasi berildi.

N.Abdullayev, Oʻzbekiston “Yoshlik” JTSJning tuman hududiy boʻlinmasi raisi oʻrinbosari.