MAHALLALARDA “BESh TAShABBUS OLIMPIADASI” GʻOLIBLARIGA BERILGAN SERTIFIKATLARGA KOʻRA SPORT MAYDONChALARI QURILIShI BOShLANDI

Joriy yilning aprel-iyun oylarida oʻtkazilgan 5 bosqichli “Besh tashabbus olimpiadasi”ning Respublika bosqichida 6 ta mahalladan 14 nafar yoshlarimiz sportning yengil atletika, stol tennis, shashka va stritbol 1 va 2-oʻrinlarni egallab estalik sovgʻalari va mahallasiga sport inshooti qurish uchun sertifikatni olgan edilar. Jumladan, sportning shashka turniridan Andijon viloyatida oʻtkazilgan musobaqada tumanimizning Xitoy ovulida yashovchi Sanobar Sharifboyeva 27-30 yosh toifasida ayol-qizlar oʻrtasida Respublika bosqichining mutloq chempionlikka erishib, mahallasiga Universal sport inshooti qurish uchun sertifikatga ega boʻlgan edi. Shuningdek, mazkur musobaqaning 16-21 yosh toifasidagi ayol-qizlar oʻrtasida Bobur ovul fuqarolar yigʻinida istiqomat qiluvchi Umida Ibragimova ham faxrli 2-oʻrinni egallab, oʻz mahallasi hududiga Stritbol va Workout sport maydonchasi qurib berilishi uchun maxsus sertifikatlarga ega boʻlishdi.

Sportning stol tennis turidan Nukus shahrida oʻtkazilgan Respublika bosqichi, "B" ligasi boʻyicha oʻgʻil bolalar oʻrtasida 27-30 yosh toifasida, tumanimizning Boy ovul mahallasida istiqomat qiluvchi Maʼmur Sharipov faxrli 1-oʻrinni qoʻlga kiritdi hamda oʻz mahallasi hududiga Universal sport maydonchasi qurib berilishi uchun maxsus sertifikatga ega boʻlishdi. Surxondaryo viloyatida stritbol sport turining "B" va "C" liga boʻyicha Oʻzbekiston Respublikasi bosqichida munosib ishtirok etgan, tumanimizning Toʻlqin ovuli oʻgʻil bolalar jamoasi 22-26 yosh toifasida Doston Hayitboyev, Xursand Tilovmuradov, Amin Xolboyev, Mahmud Joʻlliboyev, Shuxrat Joʻlliboyevlar faxrli 2-oʻrinni qoʻlga kiritib, oʻz mahallasi hududiga Stritbol va Workout sport maydonchasi qurib berilishi uchun maxsus sertifikatlarga ega boʻlishdi.

Bundan tashqari, Toshkent viloyatida yengil atletika sport turining "B" va "C" liga boʻyicha Oʻzbekiston Respublikasi bosqichida munosib ishtirok etgan, tumanimizning Amir temur ovuli jamoasi oʻgʻil bolalari 16-21 yosh toifasida Dilshodbek Sapardurdiyev, Otamurod Yegandurdiyev, Sardor Rahimovlar faxrli 2-oʻrinni qoʻlga kiritib, oʻz mahallasi hududiga Stritbol va Workout sport maydonchasi qurib berilishi uchun maxsus sertifikatlarni qoʻlga kiritishdi. Navoiy nomli mahalla jamoasi ayol-qizlari 22-26 yosh toifasida Surayyo Rahimova, Muhayyo Rahimova, Umida Bozorboyevalar mutloq chempionlikni qoʻlga kiritib, oʻz mahallasi hududiga Universal sport maydonchasi qurib berilishi uchun maxsus sertifikatlarga ega boʻlishdi.

Joriy yilning 4-oktyabr kuni Xitoy ovulida qurilishi boshlangan Universal sport inshootini koʻrish uchun Oʻzbekiston Respublikasi Sportni rivojlantirish vazirining oʻrinbosari Abdulla Aslanov tumanimizda boʻldi va qurilish jarayonini tuman hokimi oʻrinbosari Mahmud Shermetov hamda tuman sportni rivojlantirish boʻlimi masʼullari hamrohligida koʻzdan kechirdi. Boyovul, Navoiy nomli, Toʻlqin, Amir Temur nomli, Bobur nomli ovul va mahallalarda sport maydonchalari quriladigan joylarini koʻrdi. Shuningdek, bugungi kunda davom etayotgan “Besh tashabbus olimpiadasi”ning ikkinchi mavsumi doirasida sportning voleybol turidan Bobur nomli mahallasidagi 6-sonli maktab sport zalida oʻtkazilayotgan sektor bosqichi musobaqasiga ham tashrif buyurishdi.

Gʻ. Qurbonboyev, tuman Sportni rivojlantirish boʻlimi boshligʻi.