Umumtaʼlim maktablari rahbarlari uchun “Zamonaviy maktab liderlari” nigohida mavzusida seminar-trening oʻtkazildi
Joriy yilning 7-fevral sanasidan 10-fevraligacha Maktabgacha va maktab taʼlimi vazirligi tizimidagi ixtisoslashtirilgan taʼlim muassasalari agentligi tomonidan “Zamonaviy maktab liderlar nigohida” loyihasi doirasida seminar-treninglar tashkil etilib, unda Agentlik tizimidagi maktablar direktorlari, umumtaʼlim maktablari rahbarlari ishtirok etishdi.
Tadbir ishtirokchilari ixtisoslashtirilgan maktab rahbarlari bilan maktabni boshqarish, muammolarni jamoaviy hal etish, oʻquvchilarning taʼlimi uchun muhim omillar borasida fikr va tajriba almashdilar.
Amudaryo tumanidagi Xalq taʼlimi boʻlimiga qarashli umumtaʼlim maktablari direktorlari uchun 9-fevral kuni Prezident taʼlim muassasalari Agentligi tizimidagi aniq va tabiiy fanlarga ixtisoslashtirilgan maxsus maktabda tashkil etilgan seminar-trening ham qizgʻin bahs-munozaralarga boy tarzda oʻtdi.
Tadbirni oʻtkazishdan koʻzlangan maqsad – Ixtisoslashtirilgan va Prezident taʼlim muassasalari tajribasini oʻqitish va taʼlim-tarbiya uslubini barcha maktablarga joriy etishga qaratilgani bois, maktablarning rahbarlari jarayonida faollik bilan ishtirok etishdi.
Xususan, taʼlim va tarbiyaning uzviyligini taʼminlashga qaratilgan hurmat va eʼtirofga ehtiyoj xavfsizlikka ehtiyoj, rivojlanish va yaratuvchanlikka ehtiyoj, ijtimoiy munosabatga ehtiyoj, fiziologik ehtiyoj mavzulariga oid bahs-munozaralarda deyarli barcha maktablarning rahbarlari oʻz shaxsiy fikr va munosabatlarini bildirdilar.
Seminar-treningda maktabgacha va maktab taʼlimi tizimidagi oʻquv muassasalari oʻqituvchilariga qoʻyiladigan kasbiy taʼlim samaradorligini taʼminlash, ayniqsa, oʻquvchining qiziqishlari va ehtiyojini hisobga olgan holda taʼlim dasturlarini ishlab chiqish hamda amalga oshirish boʻyicha fikr va tajriba almashuv jarayonlari qiziqarli taassurotlarga boy boʻldi.
Ikki soatga moʻljallangan va toʻrtta topshiriqdan iborat boʻlgan seminar-treningda birinchi galda soha vazirligi tomonidan ilgari surilayotga oliy maqsad – Ixtisoslashtirilgan hamda Prezident taʼlim muassasalari tajribasini barcha maktablarda keng joriy etish masalasini har bir maktab rahbarining chuqur anglashini taʼminlash boʻlib, buni ishtirokchilar mamnuniyat bilan oʻz faoliyatlarida joriy etishga jiddiy harakat qilayotganliklarini bildirishdi.
Ikkinchi topshiriq – bola huquqlari Konventsiyasini tahlil etish, maktablarda zamonaviy talab va qadriyatlarni uygʻunlashtirishda eng samarador tizimni qoʻllashida eʼtibor berish kerak boʻlgan jihatlar boʻlsa, uchinchi topshiriq bitiruvchi portreti va zamonaviy oʻqituvchi portreti qanday, zamonaviy oʻquvchi va zamonaviy oʻqituvchi deganda koʻz oldimizda qanday inson namoyon boʻlishi xususida boʻldi. Toʻrtinchi topshiriq – barcha topshiriqlar ichida ustuvor yoʻnalish hisoblanib, taʼlim va tarbiya sohasida haqiqiy shaffoflikni taʼminlashga erishishdan iborat boʻldi.
Seminar-trening davomida maktablarning rahbarlari nafaqat tajriba va fikr almashdilar, balki bugungi davr talablari darajasida taʼlim sifatini oshirish boʻyicha nimalarga eʼtibor qilish kerakligini, bu borada davlatimiz tomonidan qoʻyilayotgan talablarni ham tushunib olishlarida muhim ahamiyatga ega boʻlgan kasbiy tushunchalarga ham ega boʻldilar.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
