35-SONLI MAKTABDA YaNGI OʻQUV YILIGIA ChORLOVChI QOʻNGʻIROQ JARANGLADI
Bugun 4-sentyabr tongini butun mamlakatimiz boʻylab umumtaʼlim maktablari, kasb-hunar bilim yurtlari va oliy taʼlim muassasalari oʻquvchi va talaba-yoshlari qalblarida olamcha orzular va shodiyonalik bilan qarshi oldilar. Quchoqlari turfa guldastalarga toʻlgan oʻqituvchi-murabbiylar quvonchining chegarasi yoʻq. Chunki bugundan eʼtiboran oʻqituvchi-murabbiylar va ilmga chanqoq yoshlar uchun ilm-u zakovat yoʻlidagi orzular sari dadil intilishlar boshlanadi.
Amudaryo tumanining 2-sektor hududidagi 35-sonli umumtaʼlim maktabi tuman maktabgacha va maktab taʼlimi boʻlimi tasarrufidagi namunali maktablardan biri sanaladi. Boshlanayotgan 2023-2024 yangi oʻquv yilida mazkur maktabda 690 nafar oʻquvchi taʼlim-tarbiya olishadi. oʻz kasbining fidoyisi boʻlgan 68 nafar tajribali pedagog xodimlar faoliyat olib boradigan oʻquv muassasasi 2021-yilda investitsiya dasturi doirasida rekonstruktsiya qilinib, qoʻshimcha 330-oʻrinli yangi bino qurilgan. Maktab 2 ta zamonaviy kompyuter sinfi 100 mb/s tezlikdagi internet bilan taʼminlangan. Fan oʻqituvchilarining 4 nafari oliy, 9 nafari 1-toifaga, 18 nafari 2-toifaga ega boʻlib, 2022-2023 oʻquv yilida bir nafar oʻquvchi Zulfiya nomidagi Davlat mukofoti sohibasi boʻldi. Sport sohasida quvonarli natijalarga erishildi. Xususan, sportning minifutbol turi boʻyicha qizlar jamoasi Qoraqalpogʻiston Respublikasida faxrli 1-oʻrinni qoʻlga kiritishdi. 6 nafar oʻquvchi OTMlar talabalari boʻlishdi.
Tadbirda bu haqda alohida eʼtirof etilib, yangi 2023-2024 oʻquv yilida yanada gʻayrat-shijoat bilan ishlash, tuman maktablari reytingida yuqori pogʻonalarga erishish boʻyicha rejalar xususida soʻz yuritildi. Tadbirda 2-sektor rahbari, Amudaryo tumani prokurori A.Roʻzmetov, oʻquvchi-yoshlar va ularning ota-onalari ishtirok etishdi.
“Birinchi qoʻngʻiroq” tadbirini maktab direktori Jasur Ahmedov ochdi va bayram ishtirokchilarini yangi oʻquv yilining boshlanishi, bilimlar kuni bayrami bilan tabrikladi.
Tadbir davomida Xolimbeg ovulining faollari, namunali oʻquvchi-yoshlarning ota-onalari ham soʻzga chiqishib, farzandlarining bilimdon, jismonan yetuk insonlar boʻlib, voyaga yetishlari uchun davlatimiz tomonidan koʻrsatilayotgan eʼtibor va gʻamxoʻrlikdan minnatdor ekanliklarini bildirdilar. Tadbirda joriy oʻquv yilida 1-sinfga qadam qoʻygan 58 nafar jajji oʻquvchi-bolajonlarga Prezident sovgʻasi – 12 nomdagi oʻquv qurollari jamlanmasi tantanali ravishda topshirildi.
Shundan soʻng oʻquvchilarni ilmga,intiluvchanlikka chorlovchi qoʻngʻiroq jaranglab, maktabning barcha sinfxonalarida mustaqillik darslari boshlandi.
Maktab bagʻri kelajak avlodning baxtiyor, intiluvchan vakillari – oʻquvchi-yoshlarning nurli orzularga toʻla qadamlaridan yanada obod boʻldi.
Robiya YOʻLDOShEVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
