HAMJIHATLIKDA, FIDOYILIK BILAN XIZMAT QILAMIZ

Mamlakatimizda iqtisodiy oʻsishning barqaror yuqori surʼatlarini, iqtisodiyot va ijtimoiy sohaning moliyaviy mutanosibligini taʼminlashda, davlatning ijtimoiy majburiyatlarini toʻliq va oʻz vaqtida bajarishida, yirik investitsiya loyihalarini moliyalashtirish va mamlakatning mudofaa qobiliyatini mustahkamlashda moliya organlarining rolini oshirishga yoʻnaltirilgan yagona davlat soliq-byudjet siyosati amalga oshirilmoqda.

Tuman moliya boʻlimi shu asosda mavjud rezervlarni mobilizatsiya qilish boʻyicha har kuni oʻtkaziladigan monitoringni hisobga olgan holda byudjetni ijro etishga, shuningdek, Oʻzbekiston Respublikasi Prezidenti tomonidan tasdiqlangan Davlat dasturlarini barqaror moliyalashtirishning muhim omili sifatida mahalliy byudjet daromadlar bazasini kengaytirishga yoʻnaltirilgan choralarni amalga oshirmoqda. Saʼy-harakatlarimiz natijasida tuman mahalliy byudjetining daromadlar qismi ijrosi joriy yilning toʻqqiz oyi davomida ortigʻi bilan, yaʼni 118,8 foizga ado etildi. Bu rejaga nisbatan 10 mlrd. 472 mln. 826 ming soʻmga koʻpdir. Oʻtgan 9 oy davomida byudjet xarajatlari rejasi kiritilgan oʻzgarishlardan keyin jami 277 mlrd. 419 mln. soʻmdan ortiqni tashkil etmoqda.  Byudjet mablagʻlari xarajatlari hisobidan jami 250 mlrd. 898 mln. 95,6 ming soʻm sarflandi. Buni sohalar kesimida aytadigan boʻlsak, qishloq xoʻjaligi va obodonlashtirish sohasiga jami 18 mlrd. 459 mln. soʻmdan ziyod mablagʻ sarflangan. Bu jami byudjet xarajatlari hajmining 7,3 foizini tashkil qiladi. Jami byudjet xarajatlari hajmining 7,3 foizi maktabgacha taʼlim, 4,2 foizi taʼlim, 2,2 foizi madaniyat va sport sohasiga, 29,7 foizi sogʻliqni saqlash, 33,5 foizi ijtimoiy taʼminot, 6,9 foizi boshqaruv organlari sohasiga, 1,2 foizi oʻzini-oʻzi boshqarish organlari sohasiga yoʻnaltirildi. Ijtimoiy qoʻllab-quvvatlash jamgʻarmasi, yoshlar va ayollar daftarlari xarajatlariga jami 1 mlrd. 690 mln. soʻm sarflandi. Shuningdek, zahira jamgʻarmasi mablagʻlari uchun 1 mlrd. 230 mln. 76 ming 22 soʻm, boshqa xarajatlarga esa 967 mln. 809 ming soʻm ajratildi.

“Fuqarolar tashabbusli jamgʻarmasi”ga joriy yil uchun tasdiqlangan xarajatlar smetasida jami 12 mlrd. 39 mln. 432 ming soʻm rejalashtirilgan boʻlib, shundan fuqarolar byudjeti joriy yildagi birinchi mavsumi uchun koʻzda tutilgan mablagʻlarning, yaʼni 6 mlrd. 19 mln. 716 ming soʻmi, shuningdek, joriy yil boshiga “Fuqarolar tashabbusli jamgʻarmasi”dagi qoldiq mablagʻlardan 1 mlrd. 487 mln. 737 ming 3 soʻm, 2022-yil yakunlari boʻyicha shakllangan erkin qoldiq mablagʻlarining kamida 30 foiz qismi hisobidan 44 mln. soʻm, 2022-yil 2-mavsumida oʻtkazilgan tashabbusli byudjet jarayoni yakunlariga koʻra, ishlarni amalga oshirish uchun hisob raqamlarga ajratilgan mablagʻlarning tadbirlar toʻliq amalga oshirilishi natijasida iqtisod qilingan qismini jamgʻarmaga qayta tiklash hisobiga 283 mln. 766 ming 3 soʻm, Qoraqalpogʻiston Respublikasi byudjeti qoʻshimcha mablagʻlarining 30 foizi miqdoridan 1 mlrd. 335 mln. soʻm, jami 9 mlrd. 170 mln. 219 soʻm mablagʻlar yoʻnaltirildi. Ikkinchi mavsumi uchun esa “Fuqarolar tashabbusi jamgʻarmasi”ga barcha yoʻnalishlardan jami 9 mlrd. 291 mln. 700 ming soʻm mablagʻlar yoʻnaltirildi. Ajratilgan ushbu mablagʻlar tumanimizda istiqomat qiluvchi fuqarolar hayoti sifatini oshirishga, hududlardagi muammolarni tezkor hal etishga sarflanadi.

Tuman moliya boʻlimi xodimlari mamlakatimiz Prezidenti Farmon va Qarorlarini hayotga tatbiq etishda, tuman mahalliy byudjet daromadlar qismining shakllanishi va maqsadli sarflanishi yoʻlida gʻaznachilik, Byudjetdan tashqari pensiya jamgʻarmasi tuman boʻlimlari masʼul xodimlari bilan birgalikda  fidoyilik  bilan xizmat qilaveradi.

Javlon JUMAMURATOV,

tuman Moliya boʻlimi boshligʻi.