TOʻGʻRI OVQATLANISh, SOGʻLOM TURMUSh TARZIGA AMAL QILIShNING AHAMIYaTI AHOLIGA KENG TUShUNTIRILMOQDA

Prezidentimizning “Aholining sogʻlom ovqatlanishini  taʼminlash boʻyicha qoʻshimcha chora-tadbirlar toʻgʻrisida”gi Qarori ijrosini taʼminlash maqsadida tuman Sanitariya-epidemiologik osoyishgalik va jamoat salomatligi boʻlimi mutaxassislari tomonidan tuman Tibbiyot birlashmasi xodimlari fuqarolar yigʻinlaridagi jamoatchilik xodimlari hamkorligida aholi oʻrtasida tushuntirish ishlari olib borilmoqda. Mazkur Qaror mazmun-mohiyati tushuntirilib, har bir fuqaroda sogʻlom ovqatlanish va jismoniy faollik madaniyati shakllantirilmoqda.

Jahon sogʻliqni saqlash tashkilotining maʼlumotiga koʻra, jismoniy faollik va ovqatlanish meʼyor va qoidalariga amal qilmaslik, tarkibida tuz, qand, yogʻ miqdori koʻp boʻlgan taom va shirinliklarni meʼyordan ortiq isteʼmol qilish, shuningdek, yetarli darajada vitamin va minerallar isteʼmol qilmaslik oqibatida yoshlarda ratsional oʻsish va aqliy rivojlanishdan ortda qolish kelib chiqadi. Kattalarda esa yurak qon-tomir, endokrin, xavfli oʻsma kabi insonning erta oʻlimiga olib keluvchi qator kasalliklarning rivojlanishiga sabab boʻladi.

Targʻibot tadbirlari davomida fuqarolarga sogʻlom turmush tarziga amal qilish, toʻgʻri ovqatlanishni yoʻlga qoʻyish, hovli atroflarini toza tutish, oʻz yashash uylarida xonalarini muntazam ravishda shamollatish, badantarbiya mashgʻulotlarini kanda qilmaslik, yuqumli kasalliklar tarqalishining oldini olishga xizmat qiluvchi gigiyena qoidalariga rioya etish yuzasidan tavsiyalar berildi.

M.Kashkarova, tuman SEO va JS  boʻlimi sanitariya shifokori.