Амударё туманида Ўқитувчи ва мураббийлар куни кенг нишонланди
Ҳар бир миллатнинг эртанги куни, тараққиёти ва равнақи ёш авлод таълим-тарбиясига боғлиқ. Бу ишни эса юксак маърифат ва сабр-тоқат билан амалга оширувчи шахслар – бу устозлардир. Шу боис ҳам юртимизда 1 октябрь — Ўқитувчи ва мураббийлар куни ушбу касб эгаларига юксак эҳтиром рамзи сифатида кенг нишонланади.
Амударё туманида ҳам ушбу қутлуғ сана катта кўтаринкилик билан нишонланди. Туман ҳокимлиги ташаббуси билан “Шер” тўйхонасида устоз ва мураббийлар учун байрам дастурхони ёзилди.
Тантанали тадбирда Олий Мажлис Қонунчилик палатаси депутати Сапаргул Утемуратова, туман ҳокими ўринбосари Нодирбек Камолов, туман Мактабгача ва мактаб таълими бўлими бошлиғи Ялғаш Шомуратов, Халқ депутатлари туман Кенгаши котибияти мудири Мансур Ўразбоев ҳамда бошқа масъул шахслар иштирок этиб, фидойи педагогларни самимий табрикладилар.
Тадбирда сўз олганлар бугунги кунда мамлакатимизда ўқитувчи ва мураббийларнинг жамиятдаги мавқеини юксалтириш, таълим-тарбия сифатини ошириш борасида амалга оширилаётган кенг қамровли ислоҳотларга алоҳида тўхталиб ўтишди. Жумладан, ўқитувчиларнинг меҳнатини муносиб қадрлаш, уларнинг ижтимоий ҳимоясини кучайтириш, моддий-маънавий рағбатлантириш бўйича қилинаётган саъй-ҳаракатлар ҳақида сўз юритилди. Устоз ва мураббийларнинг жамиятдаги ўрни ҳеч қачон йўқолмаслиги, бугунги ислоҳотларнинг бош мақсади ҳам айнан таълим-тарбия соҳаси фидойиларининг меҳнатини эъзозлаш, келажак авлодни билимли, юртга садоқатли қилиб тарбиялаш эканлиги алоҳида эътироф этилди.
Тадбир давомида ёш авлод тарбиясига ўз ҳиссасини қўшиб келаётган, бу борада юксак натижаларга эришган бир гуруҳ устоз ва мураббийлар, тарбиячи, педагог ходимлар туман ҳокимининг ташаккурномаси ҳамда таълим ва фан ходимлари касаба уюшмаси туман бўлинмаси кенгаши томонидан эсдалик совғалари билан тақдирландилар. Бу, албатта, уларнинг фидокорона меҳнатига бўлган муносиб эътибор ва ҳурмат ифодаси бўлди.
Таъкидлаш жоизки, ҳар бир халқ ўзининг маънавий камолоти ва келажагини таълим-тарбия тизимисиз тасаввур эта олмайди. Устоз – бу миллатнинг маънавий пойдеворини яратувчи, келажак авлодни тарбияловчи буюк шахсдир. Шу боис, уларнинг меҳнатини қадрлаш, устоз шахсига эҳтиром кўрсатиш барча даврларда долзарб бўлиб келган.
Шу боис юртимизда таълим-тарбия тизимини тубдан ислоҳ қилиш, ўқитувчи ва мураббийларнинг жамиятдаги мавқеини юксалтириш, уларнинг меҳнатини муносиб қадрлаш давлат сиёсатининг устувор йўналишларидан бири сифатида белгиланган.
Ўтказилган байрам тадбирида туман Маданият бўлими санъаткорлари томонидан ижро қилинган шўх куй-қўшиқлар, билдирилган самимий табриклар, меҳр ва эҳтиромга бой дақиқалар барчага унутилмас байрамона кайфият улашди. Бу каби ҳурмат ва эҳтиром, берилган юксак эътибор эса устозларнинг меҳнатини қадрлаш рамзи, давлатимиз ва жамиятимизнинг уларни нақадар эъзозлашининг амалдаги исботи бўлди.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
