ЭКОЛОГИК ТАҲДИДЛАРНИНГ ОЛДИНИ ОЛИШГА ҚАРАТИЛГАН ИШЛАР САМАРАДОРЛИГИ ОШИРИЛМОҚДА
Бугунги кунда жаҳонда жиддий эътибор талаб этилаётган муаммолардан бири — экологик таҳдидлар ўзининг глобаллиги билан алоҳида ажралиб туради. Шу боис, мамлакатимизда ҳам табиатда юз бераётган салбий жараёнларни англаган ҳолда, уларнинг келиб чиқиш сабабларини аниқлаб, салбий ҳолатларни мумкин қадар бартараф этиш, бу борада аҳолининг хабардорлигини ошириш бўйича кенг кўламли ишлар олиб борилмоқда.
Хусусан, Ўзбекистон Республикаси Президентининг 2025 йил 3 январдаги Қарори ижросини таъминлаш мақсадида Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги Амударё тумани бўлими томонидан атмосферанинг ўзгариши тезлашишининг олдини олишга қаратилган кенг кўламли кўкаламзорлаштириш ишлари амалга оширилди.
Бўлим томонидан “Атроф-муҳитни асраш ва яшил иқтисодиёт” йилида қатор ишлар амалга оширилди. Жумладан, “Чойкўл” овули ҳудудида 0.9 гектар майдонда “Яшил боғ” ташкил этилди. Амударё тумани Ободонлаштириш бошкармаси ва Қипчоқ давлат ўрмон хўжалиги томонидан ҳудуднинг табиий тупроқ-иқлим шароитига мос кўчатлар танлаб олиниб, туман бўйича 2025 йил давомида “Яшил макон” умуммиллий лойиҳаси доирасида 825 минг туп мевали ва манзарали дарахт кўчатлари экилди. Экилган кўчатлар парвариши учун масъул ташкилотлар ходимлари бириктирилди.
Экология, атроф-муҳитни муҳофаза қилиш соҳасида, муҳофаза этиладиган табиий ҳудудлар режимига риоя этилиши ҳамда ўсимлик ва ҳайвонот дунёсини муҳофаза қилиш бўйича давлат экологик назоратини амалга ошириш мақсадида 2025 йил давомида бир неча марта тезкор назорат тадбирлари ўтказилди. Тезкор тадбирлар натижасида 123 та ҳолатда қонунбузарлик ҳолатлари аниқланиб, фуқаро ва мансабдор шахсларга нисбатан салкам 250 миллион сўм миқдорида жарималар қўлланилди.
Бўлим томонидан бошоқли дон экинларидан бўшаган ер майдонларида сомон пояларини ёқишнинг олдини олиш бўйича фермер хўжаликлари раҳбарларига тегишли қонун ҳужжатлари доирасида огоҳлантириш хатлари берилиб, тушунтириш-тарғибот ишлари олиб борилди.
Бўлим фаолиятида ахборот технологияларидан самарали фойдаланилмоқда. Жумладан, Ўзбекистон Республикаси Вазирлар Маҳкамасининг 2024 йил 15 майдаги 282-сонли Қарорига асосан “YERELEKTRON” автоматлаштирилган платформаси орқали жами 10 та ер участкалари бўйича ер майдонлари ўрганиб чиқилиб, тегишли хулосалар берилди.
“E’TIROF AT” электрон платформаси орқали ўзбошимчалик билан қурилган турар жой иморатлари ва мазкур иморатлар ҳудудларидаги дов-дарахтларга ҳам қонун доирасида зарур хулосалар тақдим этилмоқда.
Ташкилотга келиб тушган мурожаатлар атрофлича ўрганилиб, мавжуд экологик муаммолар ўз вақтида, самарали ечим топишига эришилмоқда. Бу аҳолининг атроф-муҳит муҳофазасига бўлган муносабатлари ижобий томонга ўзгариб, уларнинг экологик маданияти ошишига замин яратмоқда.
Рашид Бегалиев, Қорақалпоғистон Республикаси Экология, атроф-муҳитни муҳофаза қилиш ва иқлим ўзгариши вазирлиги Амударё туман бўлими бошлиғи.
МАҚОЛА “ЖАЙХУН ИЛҲОМЛАРИ” ННТНИНГ ЎЗБЕКИСТОН РЕСПУБЛИКАСИ ОЛИЙ МАЖЛИСИ
ҲУЗУРИДАГИ ФУҚАРОЛИК ЖАМИЯТИ ИНСТИТУТЛАРИНИ ҚЎЛЛАБ-ҚУВВАТЛАШ
ЖАМОАТ ФОНДИ ТОМОНИДАН МОЛИЯЛАШТИРИЛГАН
“ЭКОЛОГИК МАДАНИЯТ – СОҒЛОМ КЕЛАЖАК АСОСИ” НОМЛИ ЛОЙИҲАСИ ДОИРАСИДА
ТАЙЁРЛАНДИ ВА ЧОП ҚИЛИНДИ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
