АХБОРОТ-КУТУБХОНА МАРКАЗИДА ИЖОДИЙ УЧРАШУВ БЎЛИБ ЎТДИ
Ўзбекистон Республикаси Вазирлар Маҳкамасининг “2020-2025 йилларда китобхонлик маданиятини ривожлантириш ва қўллаб-қувватлаш миллий дастурини тасдиқлаш тўғрисида”ги Ўзбекистон Республикаси Вазирлар Маҳкамаси Қарори ҳамда Ўзбекистон Республикаси Президентининг 2023 йил 28 февралдаги 27-сонли Фармони билан тасдиқланган “2022-2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили йили”да амалга оширишга оид “Давлат дастури”да белгиланган вазифалар ижросини таъминлаш мақсадида Ўзбекистон Республикаси Президенти ҳузуридаги Ахборот ва оммавий коммуникациялар агентлиги фармойишига кўра “Китобхонлик ҳафталиги” ўтказилмоқда.
Республика бўйлаб “Китобсевар миллат” шиори остида ўтказилаётган “Китобхонлик ҳафталиги” шу йилнинг 10 апрелидан 15 апрелигача давом этади.
Ҳафталикни юқори савияда ўтказиш юзасидан туман Ахборот-кутубхона марказида ҳам қизғин тайёргарлик кўрилди. Режага кўра, китобхонлар ўртасида шеърият кечаси, давра суҳбати, “Заковат” интеллектуал ўйини, кутубхонага келтирилган янги китоблар кўргазмаси, мактабгача таълим ташкилотида “Эртаклар яхшиликка етаклар” мавзусида адабий кеча, туман тарихи музейига саёҳат, умумий ўрта таълим муассасаларида кўчма кутубхоналар ташкил этиш, янги китоблар кўргазмаси, 9-сонли Болалар мусиқа ва санъат мактабида “Санъат оламига саёҳат” мавзусида тадбир ўтказиш белгилаб олинган эди.
Ушбу тадбирлар туман Ахборот-кутубхона марказига ташриф буюрувчилар сони ошишига ёшлар, аҳоли орасида китоб ўқишни кенг тарғиб этишга имконият яратмоқда. Тадбирларга қамраб олинган ёшларнинг китобларга қизиқишлари ошиб, улар сафи кенгаймоқда.
Шу йил 13 апрелда Ахборот-кутубхона марказида ташкиллаштирилган “Замондош ижодкорлар” номли давра суҳбати ҳам кўпчиликда улкан таассуротлар қолдирди.
Ҳафталикка тайёргарлик кўриш ва уни ўтказиш бўйича белгиланган чора-тадбирлар дастурида ҳам ўтказиладиган суҳбатлар, учраувларда нашриётлар, матбаа корхоналари, китоб савдо ташкилотлари қаторида ижодкорларнинг ҳам иштирокини таъминлаш белгиланган эди. Шунга мувофиқ “Замондош ижодкорлар” номли давра суҳбатига туманимизнинг ижтимоий-сиёсий ва оммабоп нашри – “Тараққиёт кўзгуси газетаси ижодий ходимлари, Ўзбекистон журналистлар уюшмаси аъзолари Ойгул Ражабова, Озода Худойбергановалар таклиф этилди.
Давра суҳбатини Ахборот-кутубхона маркази ходими Роҳатой Романова бошқариб борди.
Журналист Ойгул Ражабова, Озода Худойбергановалар китобхон ёшларга ўзларининг ижодий фаолиятлари, шунингдек, китоб ўқишнинг аҳамияти хусусида гапириб бердилар.
Тадбирда иштирок этган Амударё мухандислик техникумининг кутубхонашунослик йўналишида таҳсил олаётган ёшлар, уларнинг устозлари, шунингдек китобсевар ёшлар уларга ўзларини қизиқтирган саволларни бериб, батафсил жавоблар олдилар.
“Китобдин яхши ёр бўлмас”, дея ёзган эди Алишер Навоий бобомиз. Ҳа, чинданда китоблар – энг содиқ дўст, яшашни ўргатувчи устоз, тўғри йўлни кўрсатувчи маёқ.
Шу боисдан ҳам китобхонликни тарғиб этиш, айниқса, ўсмирларни, ёшларни китоблар мутолаасига кенг жалб қилиш – долзарб вазифа.
“Китобсевар миллат” шиори остида III Республика “Китобхонлик ҳафталиги” доирасида туман Ахборот-кутубхона марказида ўтказилаётган тадбирлар шу мақсадга хизмат қилмоқда.
Равшанбек БАҲРОМОВ
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
