ҲОКИМ ЁРДАМЧИСИ ЭҲТИЁЖМАНД ОИЛАЛАРГА ҚЎЙ-ЭЧКИ ОЛИШГА ЁРДАМ БEРДИ
Ўзбекистон Республикаси Президентининг 2021 йил 3 декабрдаги 29-сонли Фармонига мувофиқ, республикамизнинг ҳар бир маҳалласида ҳоким ёрдамчилари лавозими ташкил қилинган эди.
Аҳолининг тадбиркорлик ташаббусларини амалга оширишга молиявий кўмаклашиш, уларнинг даромадли меҳнат билан бандлигини таъминлаш механизмларини янада такомиллаштириш, маҳаллабай ишлаш тизимини янги босқичга олиб чиқиш орқали камбағалликни қисқартириш ҳоким ёрдамчиларининг асосий вазифаларидан саналади.
Акбар Хўжамуратов ҳам бошқа ҳамкасблари қатори тумандаги Босув маҳалласида ҳоким ёрдамчиси бўлиб иш бошлади. Иш фаолиятининг биринчи кунидан давлат сиёсатини маҳаллагача тушириш, аҳоли бандлигини таъминлаш, уларнинг даромадини кўпайтириш, тадбиркорликни ривожлантириш, шу орқали камбағалликни қисқартиришни ўзига бош мақсад қилиб олди.
Акбар Хўжамуратов маҳалладаги ҳар бир хонадоннинг, шунингдек, ҳар бир фуқаронинг яшаш шароитини уйма-уй юриш орқали ўрганиш, маҳаллада муваффақиятга эришган тадбиркорлар ва маҳалла фаоллари билан ҳамкорликда ишлаш ва доимий фикр алмашиш вазифаларни тўғри белгилашда деб билади.
Шунингдек у ўз тадбиркорлик фаолиятини бошлаган, кенгайтирмоқчи бўлганларга кўмаклашиш, билим ва кўникмага эга бўлмаган фуқароларни ўқув курсларида ўқитиш, ишсиз аҳолини иш билан банд қилиб, оилалар даромадини кўтариш, оилавий тадбиркорлик дастурлари доирасида имтиёзли кредитлар олиш каби ишларга кўмаклашиб келмоқда.
Жумладан, ҳоким ёрдамчисининг амалий кўмаги билан маҳаллада “Босув қўй-эчки жунларини етиштириш кооперацияси” ташкил этилди. Унга маҳалладаги 62 нафар ишсиз фуқаролар аъзо қилинди. Шунингдек, кооперация аъзоларининг бандлигини таъминлаш мақсадида яқинда маҳаллада яшовчи 15 нафар фуқарога қўйлар олиб берилди.
Ҳокими ёрдамчиси ўз зиммасига юклатилган вазифалардан ташқари, ҳар бир фуқаро муаммоларини тинглаш, уларни ҳал қилиш, ижтимоий кўмаклашиш, ногиронлиги бор ва ижтимоий қийналган аҳоли қатламидан доимий хабар олиб туриш каби ишларни сидқидилдан бажариб келмоқда.
Ҳоким ёрдамчисининг саъй-ҳаракатлари билан ўтган давр мобайнида маҳаллада яшовчи 730та хонадон хатловдан ўтказилиб, улар ижтимоий-иқтисодий шароитига қараб тоифаларга ажратиб олинди. Хатлов натижаларига кўра маҳалладаги ишсизларнинг бандлигини таъминлаш, уларнинг турмуш шароитини яхшилаш бўйича бир қанча ишларни амалга оширди.
Жумладан, 2022 йилда 86 нафар фуқарога кредит бериш, 7 нафар фуқарони касб-ҳунарга ўқитиш, 128 нафар фуқаронинг ўзини-ўзи банд қилиши, 87 нафар фуқароларга ер ажратиш, 174 нафар фуқарони доимий ва мавсумий ишларга жойлаштириш, 11 нафар фуқарога субсидиялар ажратиш орқали юзлаб фуқароларнинг бандлиги таъминланди.
Жорий йилнинг 9 ойи давомида эса маҳалладаги 120 нафар фуқарога кредит бериш орқали тадбиркорликка йўналтириш, 19 нафар фуқарони касб-ҳунарга ўқитиш, 81 нафар фуқаронинг ўзини-ўзи банд қилиши, 2 нафар фуқарога ер ажратиш, 121 нафар фуқарони доимий ва мавсумий ишларга жойлаштириш ва 22 нафар фуқарога субсидия ажратиш орқали яна кўплаб юртдошларимизнинг бандлиги таъминланди. Бундан ташқари, маҳаллада янги тадбиркорлик субъектларининг сони яна 10тага кўпайишида ҳам ҳоким ёрдамчисининг ҳиссаси бор.
Албатта, амалга оширилаётган бу каби ишлар маҳалладаги кам таъминланган оилаларнинг даромадлари ошишида муҳим восита бўлади.
Севара Исмоилова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
