Қипчоқ овул ва шаҳарча фуқаролар йиғинларида ҳоким ва ёшлар учрашуви ўтказилди
Ёшлар – келажагимиз. Улар эртамиз, миллатимиз эгаларидир. Шу боисдан ҳам ёш авлод камолоти йўлида ташланган ҳар бир қадам фарзандларимизнинг порлоқ истиқболи ва жонажон Ўзбекистонимизнинг нурли эртаси йўлида қўйилган одимлар ҳисобланади.
Шу ўринда эътироф этиш жоизки, Амударё туманида ҳам ёшларнинг тўлақонли илм олишларига шароит яратиш, уларнинг турмушидаги муаммоларини аниқлаш ва бартараф этиш, ишсиз ёшларнинг бандлигини таъминлаш, орзу-интилишларини қўллаб-қувватлаш мақсадида кўпгина саъй-ҳаракатлар олиб борилмоқда. Шу мақсадда туман ҳокимининг, секторлар раҳбарларининг, ҳуқуқни муҳофаза қилиш органлари,тумандаги барча корхона-ташкилотлар раҳбарларининг ёшлар билан учрашувлари мунтазам ташкил этилаяпти.
2 декабрь куни туманнинг Қипчоқ овул фуқаролар йиғини маъмурий биносида туман ҳокимининг ёшлар билан учрашуви бўлиб ўтди. Тадбирда туман ҳокими Собир Хўжаметов, Ёшлар ишлари агентлиги туман бўлими бошлиғи Сардор Исмоилов, йиғин масъуллари, овул фаоллари, ёшлар иштирок этдилар.
Учрашувни овул фуқаролар йиғини раиси Соатбой Наметов очди. У ўз сўзида давлатимиз раҳбари томонидан ёшлар келажагига катта эътибор қаратилаётгани ҳамда ёшлар масаласи давлат сиёсатида асосий ўринга кўтарилгани, бу қипчоқлик ёшлар ҳаётида ҳам яққол ўз ифодасини топаётганини таъкидлади.
Учрашув давомида туман ҳокими Собир Хўжаметов сўзга чиқиб бугунги кунда ҳурматли Президентимиз томонидан ёшларга яратиб берилаётган шарт-шароитлар, имкониятлар ва туманда ёшлар бўйича олиб борилаётган ишларга кенг тўхталиб ўтди.
Очиқ мулоқот тарзида ўтган учрашувда ёшларнинг ўзлигини намоён этишлари, тадбиркорлик фаолиятини йўлга қўйишлари, ишлаб чиқаришни йўлга қўйиш учун ер майдони ажратиш каби масалалардаги, шунингдек бандлик масалаларидаги мурожаатлари ҳам тингланди ҳамда амалий ёрдам бериш учун назоратга олинди.
Шунингдек, овул ёшларининг спорт билан шуғулланишлари учун шароит яратиш, спорт мусобақаларини тез-тез ўтказиб туриш юзасидан қилинган мурожаат қизғин қўллаб-қувватланди ҳамда амалий ёрдам бериш чоралари кўрилиши маълум қилинди.
Тадбирда ёшлар томонидан билдирилган 10дан зиёд мурожаатларнинг асосий қисми шу ернинг ўзида ижобий ҳал этилди. Ўрганилиши вақт талаб қиладиган мурожаатларни ҳал этиш мутасадди ташкилот раҳбарлари, ушбу масалаларнинг ижросини назорат қилиш бўйича тегишли масъуллар зиммасига юклатилди.
Шу куни Қипчоқ шаҳарча фуқаролар йиғини маъмурий биносида ҳам туман ҳокимининг ёшлар билан учрашуви бўлиб ўтди. Унда туман ҳокими Собир Хўжаметов, Ёшлар ишлари агентлиги туман бўлими бошлиғи Сардор Исмоилов, шаҳарча фуқаролар йиғини масъуллари, фаоллар ва ёшлар иштирок иштирок этдилар.
Тадбирда туман ҳокими ҳудуд ёшлари билан дилдан мулоқот қилди ва муаммоларини ҳам тинглади. Ёшларнинг бандлик, деҳқончилик қилиш учун ижарага ер майдони ажратиш ва ижтимоий масалалардаги мурожаатлари тингланди ва ижобий ҳал қилиш юзасидан назоратга олинди.
Шуниси эътиборлики, мамлакатимизда ёшларнинг ҳуқуқ ва манфаатларини ҳимоя қилиш, уларга зарур шарт-шароитлар ва имкониятларни яратиб бериш борасида мустаҳкам ҳуқуқий база яратилган ва бу тизим замон талабларига ҳамоҳанг тарзда такомиллаштирилиб борилмоқда.
Ойгул Ражабова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
