Qizlar oʻrtasida basketbol boʻyicha Qoraqalpogʻiston Respublikasi kubogi musobaqalari oʻtkazildi
Insonning jismoniy faolligini oshirishda sportning tutgan oʻrni muhim ahamiyatga ega. Sport – nafaqat insonni sogʻlomlashtiradi, balki uni maʼnaviy kamolot sari yetaklaydi. Sport – el-u elatlarni millatlarni, dunyo davlatlarini, hatto qitʼalarni birlashtiradi, bitta maydonga jamlaydi. U xalqlarni doʻstlik, tinchlik, millatlararo totuvlik sari chorlaydi. Shu bois, mamlakatimizda sport sohasini rivojlantirish, turli sport musobaqalarini oʻtkazish, bu musobaqalarni davlat va homiylar tomonidan moliyalashtirish, xalqaro musobaqalar gʻolib va ishtirokchilarini moddiy va maʼnaviy jihatdan ragʻbatlantirishga alohida eʼtibor qaratiladi.
Joriy yilning 18-sentyabr sanasida sportning basketbol turi boʻyicha Amudaryo tumanida qizlar oʻrtasida boʻlib oʻtgan Qoraqalpogʻiston Respublikasi kubogi musobaqalari ham Qoraqalpogʻiston Respublikasining turli hududlarida yashovchi oʻzbek, qoraqalpoq, qozoq, turkman va boshqa millat vakillarini bir ezgu maqsad – doʻstlik, tinchlik, millatlararo totuvlik, birdamlik yoʻlida va bir maydon aro musobaqalarda jamlagani bilan muhim ahamiyat kasb etdi.
Oʻsmir va 16 yoshli qizlar oʻrtasida tashkillashtirilgan mazkur musobaqalarda Respublikamizning 8ta tumanidan tashrif buyurgan basketbol sporti boʻyicha qizlar jamoalari ishtirok etdilar.
Musobaqaning halol va shaffoflik asosida oʻtkazilishini taʼminlash maqsadida jamoalar aʼzolari tashkilotchilar tomonidan musobaqa Nizomi bilan oldindan tanishtirildi. Musobaqa boʻlib oʻtadigan stadionda ishtirokchilar uchun kiyinish, yuvinish xonalarida zarur shart-sharoitlar yaratilib, tibbiy hamshiralar xizmati tashkil etildi.
Doʻstona va birdamlik asosida oʻtgan musobaqalarda oʻzlarining epchilliklari va chiroyli oʻyinlari bilan Nukus shahri basketbolchi qizlar jamoasi faxrli birinchi oʻrinni egalladilar. Ikkinchi oʻrin Amudaryo tumani sportchilariga, uchinchi oʻrin esa taxtakoʻpirlik basketbolchi qizlar jamoasiga nasib etdi.
Musobaqa yakunida tashkilotchilar tomonidan Nukus shahri basketbolchi qizlar jamoasiga Qoraqalpogʻiston Respublikasi kubogi tantanali ravishda topshirildi. Shuningdek, Amudaryo va Taxtakoʻpir tumanlari jamoalari ham tashkilotchilar tomonidan munosib taqdirlandilar.
Ravshan Bahromov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
