QORAQALPOQ DAVLAT UNIVERSITETI OʻQITUVChISI OLIMJON YuSUPOV ChOYKOʻLLIK YoShLAR UChUN MAHORAT DARSLARI TAShKIL ETDI
Mamlakatimizda iqtidorli, bilimdon yoshlarni qoʻllab-quvvatlash, ayniqsa, intiluvchan, ijodkor yoshlarning alohida qobiliyatlarini yuzaga chiqarishlari uchun shart-sharoitlar yaratishga qaratilgan chora-tadbirlar tufayli koʻplab yosh iqtidor egalari shakllanib, ular orasidan badiiy hunarmandchilik, rassomlik yoʻnalishlari boʻyicha yetuk mutaxassislar yetishib chiqmoqda. Bu borada Berdaq nomidagi Qoraqalpoq davlat universitetining Sanʼatshunoslik kafedrasi ilmiy jamoasi tomonidan amalga oshirilayotgan ishlar alohida eʼtibor va eʼtirofga munosib.
Mazkur fakultet talabalari ishtirokidagi ilmiy-nazariy va amaliy mashgʻulotlar, Respublika tumanlaridagi iqtidorli yoshlarni qoʻllab-quvvatlash maqsadida olib borilayotgan mahorat darslari izlanuvchan, ijodkor yoshlarni kashf etish imkonini bermoqda.
Yaqinda Amudaryo tumani Madaniyat boʻlimi tasarrufidagi Choykoʻl ovuli hududida joylashgan 36-sonli Amudaryo madaniyat markazida Oʻzbekiston Respublikasi Prezidentining 2023-yil 25-dekabrdagi “Nomoddiy madaniy merosni muhofaza qilish, ilmiy oʻrganish va targʻib qilishni rivojlantirishga oid qoʻshimcha chora-tadbirlar toʻgʻrisida”gi 405-sonli Qarori ijrosini taʼminlash maqsadida universitetning Sanʼatshunoslik kafedrasi oʻqituvchisi Olimjon Yusupov rahbarligida mahorat darslari tashkil qilindi.
Tadbir jarayonida Sanʼatshunoslik fakultetining amaliy sanʼat (badiiy kulolchilik), tasviriy sanʼat va liboslar dizayni yoʻnalishlarida tahsil olayotgan talabalarning ijodiy ishlari boʻyicha koʻrgazmalar tashkil qilindi. Koʻrgazmalar bilan tanishgan choykoʻllik yoshlarga Olimjon Yusupov universitetning Sanʼatshunoslik fakulteti va uning bitiruvchilari erishayotgan yutuqlar, xususan, xalqaro miqyosdagi koʻrik-tanlovlardagi sovrindorlar, dizaynerlar va ularning muvaffaqiyatlari xususida batafsil maʼlumotlar berdi.
Shundan soʻng Olimjon Yusupov amaliy sanʼat, tasviriy sanʼat va liboslar dizayni yoʻnalishlarida tahsil olayotgan iqtidorli talabalar bilan birgalikda choykoʻllik yoshlar uchun mahorat darslarini oʻtkazdi. Mahorat darslari davomida uchta asosiy yoʻnalish boʻyicha amaliy mashgʻulotlar tashkil etilib, har bir yoʻnalish yuzasidan yoshlardan tushgan savollarga javoblar berib borildi.
Amaliy dars-mashgʻulotlari badiiy kulolchilik, rassomlik va liboslar dizayni yoʻnalishlariga qiziquvchi yoshlarning zarur maʼlumot va tushunchalarga ega boʻlishlarida muhim ahamiyat kasb etdi.
Tadbir davomida mahorat darslarida ishtirok etgan yoshlar uchun Amudaryo tuman Madaniyat boʻlimi sanʼatkorlari tomonidan tayyorlangan kontsert dasturi namoyish qilindi.
ROBIYa YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
