“Mikrokreditbank” aktsiyadorlik tijorat banki Mangʻit filialining yangi maʼmuriy binosi foydalanishga topshirildi

 

Yurtimizda tibbiyot sohasini yanada rivojlantirish, sohani malakali kadrlar bilan taʼminlash, zamonaviy texnologiyalarni jalb etishga alohida eʼtibor qaratilib, bu borada tizimli ishlar amalga oshirilmoqda. Tibbiyot sohasi masʼullari boʻlgan shifokorlar zimmasiga sogʻlom turmush tarzini yaratish borasida yangi ustuvor vazifalar yuklanmoqda.

 

Maʼlumki, mamlakatimizda tibbiyot sohasi fidoyilarini yanada qoʻllab-quvvatlash maqsadida Oʻzbekiston Respublikasining “Oʻzbekiston Respublikasi tibbiyot xodimlari kunini belgilash toʻgʻrisida”gi qonuniga muvofiq har yili noyabr oyining ikkinchi yakshanbasi tibbiyot xodimlari kuni sifatida belgilanib, soha masʼullarining bayrami nishonlanadi.

 

Bu yil ham sharafli va masʼuliyatli soha masʼullarining kasb bayramlarini munosib oʻtkazish, ularni yanada qoʻllab-quvvatlash maqsadida turli tadbirlar oʻtkazilib, bayram tantanalari tashkil etilmoqda. Amudaryo tumani tibbiyot birlashmasida tumanizmizda aholi salomatligini mustahkamlashda oʻzlarining munosib hissalarini qoʻshib kelayotgan shifokor va hamshiralar uchun bayram tadbiri tashkil etildi. Bayram tadbirini tashkil etishda Oʻzbekiston “Qizil yarim oy jamiyati” tuman boʻlimi ham tashabbuskorlik koʻrsatdi.

 

Bayram tadbirida tuman hokimi oʻrinbosari Mahmud Shermetov, tuman tibbiyot birlashmasi boshligʻi Fahriddin Abdullayevlar soʻzga chiqib, mamlakatimizda tibbiyot sohasi xodimllarini qoʻllab-quvvatlash borasida amalga oshirilayotgan ishlar haqida toʻxtaldilar hamda barcha shifokorlarni bayram bilan tabrikladilar.

Tadbirda soʻzga chiqqanlar tumanda tibbiyot sohasi masʼullarining erishayotgan yutuqlari xususida soʻz yuritdilar hamda sohada samarali faoliyat yuritib kelayotgan, hamkasblariga namuna boʻlayotgan bir guruh shifokorlar tashakkurnoma hamda esdalik sovgʻalari bilan taqdirlandilar.

Aytish kerakki, tuman Tibbiyot birlashmasida koʻp yillik tajriba hamda malakaga ega boʻlgan 313 nafar shifokorlar hamda oʻrta tibbiyot xodimlari faoliyat yuritib, aholiga sifatli va tezkor tibbiy xizmatlar koʻrsatib kelmoqdalar. Tibbiyot birlashmasida sohada ilgari surilayotgan izchil islohotlar ijrosini taʼminlash borasida tizimli ishlar olibborilmoqda.

Xususan, Oʻzbekiston Respublikasi Prezidentining “Birlamchi tibbiy-sanitariya yordami muassasalari faoliyatiga mutlaqo yangi mexanizmlarni joriy qilish va sogʻliqni saqlash tizimida olib borilayotgan islohotlar samaradorligini yanada oshirish chora-tadbirlari toʻgʻrisida”gi farmonida belgilangan vazifalarni amalga oshirish maqsadida Tibbiyot birlashmasidagi shifokorlar hamda oʻrta tibbiyot xodimlaridan iborat 87 ta “tibbiyot brigadalari” tashkil etilib, ular tomonidan 36157 ta xonadonda tibbiy xatlov amalga oshirilgan. Aholi oʻrtasida antropometrik oʻlchovlar amalga oshirilishi natijasida aholi 4 ta guruhlarga ajratilib, har bir guruh bilan alohida sogʻlomlashtirish va davolash ishlari olib borilmoqda.

Xalqimiz boshiga kelgan ogʻir sinovli kunlarda, koronavirus pandemiyasiga qarshi kurashda tuman tibbiyot sohasi masʼullari ham qoʻlni qoʻlga berib, katta masʼuliyat bilan kasallik tarqalishining oldi olish, kasallikka chalingan bemorlarni sogʻlom hayotga qaytarish borasida kecha-yu kunduz, mashaqqatli mehnat qilishdi. Olib borilgan samarali ishlar natijasida tumanda ham COVID-19 infektsiyasi bilan bogʻliq holat barqaror holatga keltirildi.

Tuman Tibbiyot birlashmasida koronavirusga qarshi ommaviy emlash jarayonini oʻtkazish borasida samarali ishlar tashkil etilib, emlashni amalga oshirish uchun barcha sharoitlar yaratilgan. Tibbiyot xodimlari tomonidan aholi vakillariga kasallikka qarshi emlanishning xususiyatlari va afzalliklarini keng turda tushuntirish-targʻibot ishlari amalga oshirilib, insonlarni emlanishga jalb qilish choralari koʻrilmoqda.

 

Tadbir tuman madaniyat boʻlimi xonandalarining ajoyib kuy-qoʻshiqlariga ulanib ketdi. Bir-biridan shoʻx-shodon taronalar tadbirga koʻtarinki ruh bagʻishlab, barcha tadbir ishtirokchilariga bayramona kayfiyat ulashdi.

 

Shu fursatdan foydalanib, barcha tibboyot sohasi masʼullarini, tuman tibbiyot birlashmasi shifokorlarini hamda xodimlarini kasb bayramlari bilan samimiy muborakbod etamiz. Masʼuliyatli va mashaqqatli kasblarida katta sabr-matonat hamda kuch-gʻayrat tilaymiz. Bayramingiz qutlugʻ boʻlsin, salomatlik posbonlari!