Futbol va mini futbol boʻyicha DXX raisi kubogi musobaqalarining tuman bosqichi gʻolibi aniqlandi
Mamlakatimizda sogʻlom turmush tarzini targʻib etish, aholi, shuningdek, oʻsib kelayotgan yosh avlodni jismoniy tarbiya va ommaviy sportga keng jalb etishga alohida eʼtibor qaratilmoqda.
Bu aholi salomatligini, qolaversa, yoshlarning kuch va imkoniyatlariga boʻlgan ishonchini mustahkamlashda muhim ahamiyat kasb etadi. Shu maʼnoda hududlar boʻylab oʻtkazilib kelinayotgan sportning futbol va mini futbol turi boʻyicha Davlat xavsfizlik xizmati raisi kubogi musobaqalari isteʼdodli yoshlarni saralab olish, ular oʻrtasida sogʻlom turmush tarzini mustahkam qaror toptirishga xizmat qilmoqda.
27-may kuni Amudaryo tumanining Doʻstlik mahallasi hududidagi Bolalar va oʻsmirlar sport maktabiga qarashli maydonda sportning futbol turi boʻyicha Davlat xavfsizlik xizmati raisi kubogi musobaqalarining tuman bosqichi boʻlib oʻtdi. Unda sektorlar kesimida gʻoliblikni qoʻlga kiritgan 4 ta jamoa vakillari ishtirok etdilar.
Musobaqa oldidan hakamlar oʻyin ishtirokchilarini rioya etilishi lozim boʻlgan qoidalar bilan batafsil tanishtirib oʻtishdi. Shundan soʻng, jamoalar bir birlariga omad tilab, oʻyinni boshladilar.
Futbol musobaqasi shiddatli va murosasiz kechdi. Ishtirokchilarning yaqinlari, qolaversa, mahalladagi faol yoshlarning qoʻllab-quvvatlashi jamoa aʼzolariga yanada kuch-gʻayrat va koʻtarinki kayfiyat bagʻishladi.
Yakuniy natijalarga koʻra, tuman bosqichida 1-oʻrinni Toʻlqin ovuli yoshlari jamoasi, 2-oʻrinni kuyuk koʻpirlik yoshlar jamoasi hamda 3-oʻrinni Xolimbeg ovuli yoshlari jamoasi egalladilar.
Mutloq gʻoliblikni qoʻlga kiritgan Toʻlqin ovuli yoshlaridan tuzilgan jamoa futbol boʻyicha Davlat xavfsizlik xizmati Raisi kubogi musobaqalarining Qoraqalpogʻiston Respublikasi bosqichiga yoʻllanmani qoʻlga kiritdi.
Shu oʻrinda aytish kerakki, mahalla yoshlarini birlashtirish, boʻsh vaqtlarini koʻngilli oʻtkazish, ular orasida sportni ommalashtirish, isteʼdodli futbolchilarni kashf etish maqsadida keyingi yillarda anʼanaviy tarzda oʻtkazilib kelinayotgan Davlat xavfsizlik xizmati Raisi kubogi musobaqalari tom maʼnoda yoshlar uchun haqiqiy sport maktabi boʻlmoqda.
Mazkur musobaqa tumanda sportning futbol turini rivojlantirish, ushbu sport turi boʻyicha kuchli sportchilarni aniqlash, ovul va mahallalardagi yoshlarni sportga jalb qilish, ularning boʻsh vaqtlarini mazmunli oʻtkazish, oʻsib kelayotgan yosh avlodni vatanparvarlik ruhida tarbiyalash, aholi oʻrtasida sogʻlom turmush tarzini targʻib qilishi bilan birga isteʼdodli yoshlarni kashf etmoqda, ularning qobiliyatlarini yuzaga chiqarmoqda. Davlat xavfsizlik xizmati Raisi kubogi musobaqasi ham ayni shu maqsadlarni koʻzlagani bilan ahamiyatlidir.
Xulosa qilib aytganda, jamiyatimizda sportni rivojlantirish borasida olib borilayotgan islohotlar va belgilangan ustuvor vazifalarning oʻz vaqtida tizimli amalga oshirilishi sogʻlom turmush tarzi shakllanishi, sogʻlom jamiyat barpo etilishida muhim ahamiyat kasb etadi.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
