Tadbirkorlik faoliyati – qonun himoyasida
Oʻzbekiston Respublikasi Prezidentining 2023-yil 18-avgust kuni tadbirkorlar bilan oʻtkazilgan ochiq muloqoti doirasida tadbirkorlardan kelib tushgan qariyb 6 mingta murojaatda koʻtarilgan tizimli muammolarning yechimiga qaratilgan taklif va tashabbuslarni amalga oshirish maqsadida bir qator chora-tadbirlar belgilab oʻtildi va ushbu chora-tadbirlari Oʻzbekiston Respublikasi Prezidentining 2023-yil 4-sentyabr kungi PQ-292-sonli qarori bilan mustahkamlandi. Ushbu qarorga muvofiq kichik biznesga yangi imkoniyatlar yaratish; oʻrta biznesni barqaror iqtisodiy oʻsish garoviga aylantirish; yangi bozorlarga sifatli va raqobatbardosh mahsulot bilan kirish; yuqori daromadli korxonalarni koʻpaytirish; sodda soliq maʼmuriyatchiligi va byurokratiyadan xoli qulay muhit yaratish yoʻnalishlarni oʻz ichiga olgan Oʻzbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish boʻyicha «yoʻl xaritasi» tasdiqlandi.
Sodda soliq maʼmuriyatchiligi va byurokratiyadan xoli qulay muhit yaratish yoʻnalishi boʻyicha bir qator chora tadbirlar belgilanib, bunda qoʻshilgan qiymat soligʻining salbiy summasi oʻrnini qoplashda (qaytarishda) soliq uzilishi (tax gap) koeffitsiyentini qoʻllash amaliyoti taqiqlanishi; qoʻshilgan qiymat soligʻi boʻyicha maxsus roʻyxatdan oʻtkazilganligi toʻgʻrisidagi guvohnomaning amal qilishini toʻxtatib turish tartibi bekor qilinishi (bundan amalga oshirilayotgan bitimlar (operatsiyalar) xarid qilinayotgan va realizatsiya qilinayotgan tovarlar (xizmatlar) nomenklaturasiga nomuvofiq boʻlgan holatlar mustasno); foyda soligʻi boʻyicha har oy boʻnak toʻlovlarini toʻlashi lozim boʻlgan tadbirkorlik subʼektlari daromadining chegaraviy miqdori 5 milliard soʻmdan 10 milliard soʻmga oshirilishi koʻrsatildi;
2024-yil 1-yanvardan boshlab iqtisodiy sudlar tomonidan soliq organlari ishtirokida koʻrilayotgan ishlar maʼmuriy sudlar yurisdiktsiyasiga oʻtkazilishi, soliq majburiyati boʻyicha daʼvo qilish muddati besh yildan uch yilga tushirilishi belgilandi.
Shuningdek kameral soliq tekshiruvini oʻtkazishda soliq toʻlovchining hududiga kirish; soliq toʻlovchining hududini va binolarini koʻzdan kechirish; soliq toʻlovchidan hujjatlarni talab qilib olish va uni chaqirtirish; soliq toʻlovchining hujjatlari va buyumlarini olib qoʻyish.taqiqlanishi koʻrsatildi (bundan qoʻshilgan qiymat soligʻi summasi oʻrnini qoplash (qaytarish)da oʻtkaziladigan kameral soliq tekshiruvlari mustasno):
2024-yil 1-yanvardan boshlab aholi va tadbirkorlik subʼektlariga ajratilgan kreditlar boʻyicha qarzdorlikni undirish boʻyicha sudning hal qiluv qarori chiqarilganda, mazkur kreditlar boʻyicha foizlar va neustoyka hisoblanishi toʻxtatilishi; toʻlov miqdori kredit majburiyatlarini bajarish uchun yetarli boʻlmaganda, mablagʻlarni, birinchi navbatda, mutanosib ravishda muddati oʻtgan asosiy qarz va foiz qarzdorliklarini, ikkinchi navbatda joriy toʻlov uchun hisoblangan foizlar va asosiy qarzni, keyingi navbatlarda neustoyka va ijro xarajatlarini qoplashga yoʻnaltirish tartibi oʻrnatilishi belgilab oʻtildi.
Ushbu Qaror bilan belgilangan chora-tadbirlar yurtimizda tadbirkorlik faolaiyatini rivojlantirib, tadbirkorlik faoliyatidagi tizimli muammolarni bartaraf etib, yurtimiz rivojiga oʻz hissasini qoʻshadi desak adashmagan boʻlamiz.
A.G.Saliyev, Qoraqalpogʻiston Respublikasi Maʼmuriy sudi sudyasi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
