“Қурбаниёзов Жасур” МЧЖ ҳамда блогер Ҳакимбой Ибодуллаевлар меҳр-саховатидан “Ёлғиз кекса” реестридаги юртдошларимиз мамнун
Мамлакатимизда “Ҳамма нарса инсон қадри учун!” тамойили асосида ўзгалар парваришига муҳтож, ногиронлиги бўлган фуқаролар, шунингдек, кам таъминланган, эҳтиёжманд оилаларни ижтимоий қўллаб-қувватлаш, уларнинг жамиятнинг тўлақонли аъзолари сифатида ҳаётдан рози яшашларини таъминлашга қаратилган чора-тадбирлар туфайли бугунги кунда минглаб юртдошларимиз меҳр-саховат, ўзаро ҳурмат ва эътибор оғушида, ўз турмуш шароитларидан мамнун яшамоқдалар.
Ўзбекистон Республикаси Президентининг Фармонлари ҳамда Вазирлар Маҳкамасининг Қарорлари ижросини таъминлаш мақсадида амалга оширилаётган саъй-ҳаракатлар натижасида мамлакатимизнинг барча ҳудудларида фаолит олиб бораётган “Инсон” ижтимоий хизматлар марказлари бу борадаги ишларни юқори сифат даражасига кўтарди.
Айниқса, Ўзбекистон Республикаси Мустақиллигининг 34 йиллиги муносабати билан “Ватан учун, миллат учун, халқ учун!” эзгу шиори остида маҳаллаларда истиқомат қилаётган “Ёлғиз кекса” реестрига киритилган, ўзгалар парваришига муҳтож ёлғиз нуронийлар, шунингдек ёлғиз яшовчи кексалар ҳамда ногиронлиги бўлган шахсларга саховатпеша тадбиркорлар ва ҳомийлар томонидан кўрсатилаётган ёрдамлар салмоғи янада ошди. Туманнинг турли ҳудудларида жами 115 нафар юртдошларимиз “Ёлғиз кекса” реестрига киритилган.
Давлатимиз, айниқса, “Инсон” ижтимоий хизматлар марказининг туман бўлими ижтимоий хизмат кўрсатувчи ходимлари, саховатпеша инсонлар уларни асло ёлғизлатиб қўйишмайди. Турли байрам саналарида, ҳар ҳафтанинг пайшанба ва жума кунларида бундай инсонлар хонадонларига бориб, уларнинг кўнгилларини кўтариш, турли озиқ-овқат маҳсулотлари, байрамона совғалар улашиш амударёлик тадбиркорлар ва меҳр-оқибатни ўзларининг ҳаёт мазмунларига айлантирган саховатпеша инсонларнинг эзгу амалларига айланган.
Яқинда тумандаги “Қурбаниёзов Жасур” масъулияти чекланган жамияти томонидан 92 нафар “Ёлғиз кекса” реестрига киритилган фуқароларга ваучер асосида ижтимоий ёрдамлар кўрсатилади. Мазкур жамият томонидан ваучерлар тақдим этилган “Ёлғиз кекса” реестридаги фуқаролар саховатли тадбиркордан ҳамиша мамнун.
Шунингдек, блогер Ҳакимбой Ибодуллаев ҳам турли миллат вакиллари бўлган ижтимоий ҳимояга муҳтож юртдошларимиз ҳолидан хабар олиб, уларга турли кўринишдаги ижтимоий ёрдамлар тақдим этиб келмоқда.
“Фаол ҳаётга қадам” дастури доирасида ўзгалар парваришига муҳтож бўлган ёлғиз нуронийлар ва ёлғиз яшовчи кексалар ҳамда ногиронлиги бўлган шахслар муҳтожлик тоифасига қараб, тиббий-ижтимоий реабилитация воситалари билан беминнат таъминланаётгани уларнинг янада ижтимоийлашувига ёрдам бермоқда.
Бу эса ўзларининг ёлғиз эмасликларини ҳис қилиб, атрофида яхши инсонлар борлигидан мамнун, ҳаётдан рози, келажакка ишонч билан яшашларини таъминламоқда. Чунки уларни йўқлаб келувчилар кўп. Саховатли, меҳр-оқибатли ҳамюртлар, “Инсон” ижтимоий хизмат кўрсатиш марказининг ходимлари, маҳалладошлари уларни асло ёлғизлатиб қўйишмайди ва ҳаётлари яхшилар билан ҳамиша гавжум.
РОБИЯ ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
