Имкониятлардан ҳурсандмиз
Мен ўн беш йилдан буён якка тадбиркор сифатида ҳунармандчилик билан шуғулланиб келаман. Менинг бундай фаолият билан шуғулланишим албатта оиламиз аъзоларининг фаровон ҳаёт кечиришларига хизмат қилмоқда.
Ўзим эса ҳунарманд сифатида эл-юртимга хизмат қилаётганимдан бахтиёрман.
Ҳозирги пайтда мамлакатимизда тадбиркорлик ҳаракати қўллаб-қувватланмоқда.
Илгарилари тадбиркорлар ва тадбиркорлик субъектлари фаолияти кўпчилик текширув органлари томонидан хоҳлаган пайтларида текшириларди. Ҳозир эса бундай текширишларга, тадбиркорлар фаолиятига халақит беришга чек қўйилди.
Ҳурматли Юртбошимиз Ислом Каримов томонидан 2015 йилнинг 15 майида қабул қилинган "Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлларидаги тўсиқларни бартараф этиш чора-тадбирлари тўғрисида”ги Фармонида табдиркорлик субъектларида текширишлар ўтказишнинг тартиби ва даврийлиги аниқ белгилаб берилди.
Муҳтарам Президентимиз Фармонига асосан жорий йилнинг 1 июлидан бошлаб назорат қилувчи органлар томонидан микрофирма, кичик корхона ва фермер хўжаликлари фаолиятидаги барча режали текширишлар кўпи билан 4 йилда бир марта, бошқа тадбиркорлик субъектларида эса кўпи билан 3 йилда 1 марта амалага ошириладиган бўлди.
Тадбиркорлик субъектларда ўтказиладиган молия хўжалик фаолияти билан боғлиқ бўлмаган, яъни бухгалтерия ва бошқа ҳужжатларни ўрганишни талаб этмайдиган режали текширишлар муддати 10 календарь кунидан ошмаслиги белгиланди.
Ушбу Фармонда тадбиркорлик субъектларининг молия-хўжалик фаолиятини режали текширишларда фақатгина охирги режали текширувдан кейинги давр қамраб олиниши ҳам аниқ белгилаб қўйилди.
Президентимиз ва ҳукуматимиз томонидан кўрсатилаётган бундай ғамхўрликлар албатта бизни Ватан, эл-юрт равнақи йўлида ҳар қачонгидан ҳам кўпроқ, фидокорона меҳнат қилишга давъат этмоқда.
Собир ПОЛВОНОВ, ҳунарманд.
Мақола Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан молиялаштирилган лойиҳа доирасида тайёрланди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
