СПОРТ МАКТАБИНИНГ ОЧИҚ БИРИНЧИЛИГИ ЎТКАЗИЛДИ
14 январь – Ватан ҳимоячилари куни муносабати билан ва "Соғлом она ва бола йили”га бағишлаб1-сонли болалар ва ўсмирлар спорт мактабида спортнинг стол тенниси бўйича спорт мактабининг очиқ биринчилиги ўтказилди.
Мусобақани спорт мактаби директори вазифасини бажарувчи Бахтиёр Ражабов очди ва иштирокчиларга омад тилади. Очилиш маросимида сўз олган тренерлар Ҳамида Ражабова, Гулойим Машарипова, Феруза Қобулова ва Фозил Эшчоновлар юртимизда спорт, айниқса болалар спортини ривожлантиришга катта эътибор қаратилаётгани натижасида спорт билан шуғулланувчи болалар сафи йил сайин кенгайиб бораётганини таъкидладилар. Натижада спортчиларимиз нафақат мамлакатимиз шарафини ишончли ҳимоя чилишмоқда, балки спортнинг оммавийлигига ҳам эришилиб, келажагимиз эгаларининг соғлом ва баркамол ўсиб-улғайишлари учун замин яратилмоқда.
Айниқса, болалар иштирокида турли спорт мусобақалари ўтказилаётгани бу борада муҳим восита бўлмоқда. Спорт мактаби биринчилиги ҳам стол тенниси билан шуғулланаётган ёшларнинг кучларини синовдан ўтказишлари ва маҳоратларини янада оширишлари учун восита бўлди.
Спорт мактабининг очиқ биринчилигида 60 нафардан ортиқ ёшлар иштирок қилдилар. Улар 1-сонли болалар ва ўсмирлар спорт мактабининг тарбияланувчилари, туманимиздаги 1-, 30-, 36-, 40- ва 56-сонли мактабларда таълим олаётган спортсевар ёшлардир.
Кескин ва муросасиз беллашувларга бой бўлган мусобақа якунларига кўра 2002-2002 йилларда туғилган ўсмирлар ўртасида Илҳом Қўзибоев фахрли биринчи ўринни, Ихтиёр Бахтиёров иккинчи, Дониёр Тлубоев ва Асадбек Давлетовлар учинчи ўринларни эгаллади.
2003-2005 йилларда туғилган ўсмирлар ўртасида эса Шаҳзодбек Солиев биринчи, Ҳакимжон Исмоилов иккинчи, Равшанбек Оллаберганов ва Жамшид Жуманиёзовлар учинчи ўринни эгалладилар.
Қизлар ўртасидаги мусобақаларда биринчи ўринни Лочиной Тозабоева, иккинчи ўринни Хуршида Қўчқорова ҳамда учинчи ўринни Мадина Ҳайтбоева ва Асал Шомуродовалар эгалладилар.
Мусобақа ғолиблари 1-сонли болалар ва ўсмирлар спорт мактаби томонидан тайёрланган фахрий ёрлиқлар ва эсдалик совғалари билан тақдирланди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
