“Биз – баркамол авлод, порлоқ келажак бунёдкорларимиз” танловига

                           Биз  - Ватаннинг  келажагимиз

Мен Ватан деганда аввало, туғиб вояга етказиб, оқ ювиб, оқ тараб улғайтираётган онамни тушунаман, менинг суянч тоғим бўлган отамни тушунаман ва ҳаётда менга тўғри йўл кўрсатган устозларимни тушунаман. Шунинг учун мен ота-она ва устозларимиз ҳақида шеър ёзишга ҳаракат қиламан. Яна мен, Ватан деганда киндик қонимиз тўкилган тупроқни тушунаман. Ватан бу бизга буюк аждодларимиздан қолган муқаддас гўшадир. Ватан  – остонадан бошланади. Шунинг учун бу Ватанни оила тимсолида кўриш мумкин. Ватанимиз бу бизнинг  таянчимиз ва суянчимиздир.

Ҳар куни кўрамизки, жаҳон  рейтингида бизнинг Ватанимиз барча соҳаларда етакчи ўринларга чиқиб бормоқда. Шунинг учун ҳам Президентимиз "Фарзандлари соғлом юрт қудратли бўлур, қудратли юртинг фарзандлари соғлом бўлур”, – дейди ва фарзандлар соғломлиги, баркамоллиги ҳақида қайғуради.  Шундай экан, биз Ватанимизни фақат севишимиз эмас, уни буюк аждодларимиз каби кўз қорачиғимиздай асрашимиз лозим. Ватан тушунчаси фақат тилимизда эмас, балки дилимизда ҳам бўлиши лозим. Ватанимиз - бу бизнинг фахр-у ифтихоримиздир. Шундай экан, муҳтарам Президентимиз Ислом Каримов айтганларидек биз фарзандлар: "Ватан менга нима берди? – деб эмас, "мен Ватанга нима бердим?” деб яшашимиз лозим. Чунки биз – Ватаннинг келажагимиз.

Азиза ЎРОЗБОЕВА,

"Баркамол авлод” болалар маркази "Ёш журналист ва нотиқ” тўгараги аъзоси.

Нон увоғи

Нонни кўчада eманг,

Увоғи тушмас дeманг.

Отам унни топади, 

Онам нонни ёпади.

Чўғдан қизарса тандир,

Зумда нон тайёр ахир.

Дeя ўйламанг бeкор,

Ноннинг кўп уволи бор.

Гоҳо eрда ётади,

Бўлаклари қотади.

Ношуд ақли калталар,

Ҳатто баъзан катталар,

Ахлат чeлакка ташлар.

Кимки нонни қилса хор,

Ўзин ҳам этгай хор-зор.

Увол қилмоқлик ёмон,

Ноннинг увоғи ҳам - нон.

Ирода ЕРДОШЕВА,

38-сонли мактаб ўқувчиси.

Касал бўлган оймомо

Касал бўлган Оймомо,

Ётибди бетоб бўлиб.

Кўрпа қилиб олибди,

Булутни тўп-тўп қилиб.

Керакдир дори-дармон,

Шунда йўқолар армон.

Кечалар  эртак айтар,

Яна бизга армуғон.

Бунёдбек ЙЎЛДОШЕВ,

8-сонли ихтисослаштирилган давлат умумтаълим мактабининг 5-синф ўқувчиси.