Xitoyliklar delegatsiyasi tumanimiz tadbirkorlari bilan uchrashdi
Mamlakatimiz iqtisodiyotiga toʻgʻridan-toʻgʻri xorijiy investitsiyalarni jalb qilish faoliyati samaradorligini oshirish, xorijiy investorlarni mamlakatimiz imkoniyatlari va salohiyati toʻgʻrisida xabardor qilish, xorijiy investitsiyalarni jalb etish va oʻzlashtirish sohasida davlat va xoʻjalik boshqaruvi organlari, mahalliy ijro hokimiyati organlari faoliyatini muvofiqlashtirish borasida keng koʻlamli ishlar amalga oshirilmoqda. Chet el investitsiyalarini jalb qilish – Oʻzbekistonning barqaror iqtisodiy oʻsishi uchun muhim omil hisoblanadi.
Joriy yilning 24-mart sanasida Amudaryo tumani hokimligining majlislar zalida Xitoy davlatidan kelgan ishbilarmon doiralar vakillari amudaryolik tadbirkorlar bilan uchrashuvi tashkil etildi. Uchrashuvda tuman hokimi Sobir Xoʻjametov, hokim oʻrinbosarlari, boʻlimlar boshliqlari, mahallalarda tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari hamda tashabbuskor tadbirkorlar ishtirok etdilar.
Unda tuman hokimi Sobir Xoʻjametov soʻzga chiqib, uchrashuvning asosiy maqsadi va xitoylik ishbilarmonlar bilan hamkorlik tumanimiz iqtisodiy oʻsishidagi ahamiyati xususida soʻz yuritdi.
Maʼlumotlarda keltirilishicha, Xitoy investitsiyalarining asosiy qismi sanoat, texnologiya va energetika sohalariga yoʻnaltirilgan. Hamkorlik nafaqat investitsiyalarni jalb qilish, balki yangi texnologiyalar va ish oʻrinlari yaratishga ham xizmat qiladi. Oxirgi uch yilda Xitoy investitsiyalarining 62 foizi sanoatga, 11 foizi yoqilgʻi-energetika sektoriga, 4 foizi qishloq xoʻjaligiga, qolgan qismi esa boshqa sohalarga taqsimlangan.
Xitoyliklar tomonidan yurtimizda energetika sohasida muqobil manbalarga investitsiyalar kiritilmoqda. Oʻzbekiston qayta tiklanuvchi energetikani faol rivojlantirmoqda. Xitoy quyosh va shamol elektr uskunalari ishlab chiqarishda dunyo yetakchisi hisoblanadi. Oʻzbekistonda 9 mlrd dollar qiymatidagi 20 dan ortiq energetika loyihalari Xitoy kompaniyalari ishtirokida amalga oshirilmoqda va ularda asosan mahalliy mutaxassislar ishlamoqda.
Uchrashuvda Xitoylik delegatsiya aʼzolari tumanimiz tadbirkorlari bilan yangi aloqalar va hamkorlik oʻrnatish, yangi qoʻshma loyihalar va savdo shartnomalarini amalga oshirish maqsadida tumanimizga tashrif buyurishgani xususida soʻz yuritildi. Unda hokim yordamchilari va tadbirkorlar oʻzlarini qiziqtirgan savollarga javoblar oldilar.
Mazkur uchrashuv amudaryolik tadbirkorlarning tashabbuslarini, loyihalarini qoʻllab-quvvatlash uchun investor, ishlab chiqarayotgan mahsulotlariga xaridor topishda hamda Xitoy davlatidan toʻgʻridan-toʻgʻri asbob-uskuna olib kelish borasidagi masalalarini ijobiy hal etishda muhim ahamiyat kasb etishi shubhasiz.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
