Masʼullar tomonidan ichimlik suvi holati oʻrganildi
Suv – inson hayoti va salomatligi uchun eng muhim tabiiy neʼmatlardan biri. U nafaqat kundalik ehtiyojlar uchun zarur, balki mamlakat iqtisodiyotining turli tarmoqlari, ayniqsa, qishloq xoʻjaligi va sanoat sohalari uchun ham strategik ahamiyatga ega. Shu bois soʻnggi yillarda Oʻzbekistonda suv resurslaridan oqilona foydalanish, uning sifati va xavfsizligini taʼminlash hamda isteʼmolini hisobga olishning zamonaviy innovatsion tizimlarini joriy etish boʻyicha keng koʻlamli islohotlar amalga oshirilmoqda.
Jahon sogʻliqni saqlash tashkiloti maʼlumotlariga koʻra, ichimlik suvi orqali yuqadigan kasalliklar butun dunyo boʻylab millionlab insonlarning hayotiga taʼsir koʻrsatadi. Shu sababli, Oʻzbekistonda ham ichimlik suvi sifatiga boʻlgan eʼtibor tobora kuchayib, uning milliy va xalqaro standartlarga muvofiqligi ustidan qatʼiy nazorat oʻrnatilmoqda.
2025-yil 21-fevral kuni Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi, Qurilish va uy-joy kommunal xoʻjaligi sohasida nazorat qilish inspektsiyasi hamda Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi tomonidan qabul qilingan qoʻshma qarorga koʻra aholiga yetkazib berilayotgan ichimlik suvining sifati boʻyicha monitoring oʻtkazish tartibi belgilangan edi.
Mazkur qaror ijrosini taʼminlash maqsadida 25-mart kuni Amudaryo tumanida ichimlik suvi sifatini tahlil qilish va nazoratdan oʻtkazishga qaratilgan monitoring tadbiri oʻtkazildi. Tekshiruv jarayonida Namuna mahallasi hududidagi suv olish va uzatish inshootlari koʻzdan kechirildi.
Mutaxassislar aholi xonadonlaridan suv namunalarini olib, ularni fizik-kimyoviy hamda mikrobiologik tahlillariga koʻra, ichimlik suvining davlat sanitariya normalari va standartlariga qanchalik mos ekani baholandi.
Ichimlik suvi sifatiga oid monitoring tadbirlari mavjud muammolarni aniqlash va bartaraf etish, shu bilan birga, aholi salomatligini yaxshilashga qaratilgan muhim tashabbus hisoblanadi. Kelgusida suvni tozalash va taʼminot tizimlarini yanada takomillashtirish, uning sifati ustidan nazoratni kuchaytirish hamda sohaga zamonaviy laboratoriya uskunalarini keng joriy etish orqali isteʼmolchilarga yetkazib berilayotgan ichimlik suvi sifatini yanada yaxshilash koʻzda tutilgan.
Ichimlik suvining sifatli va xavfsiz boʻlishi – nafaqat inson salomatligi, balki mamlakat ekologiyasi va iqtisodiyoti uchun ham muhim ahamiyat kasb etadi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
