«Asrlar sadosi-2013» anʼanaviy madaniyat festivali paqamlarda

2013-yilning 4-5-may kunlari Navoiy viloyatining Sarmishsoy darasida, Toshkent shaxri va Buxoroda Fond Forum va YuNESKOning Oʻzbekistondagi vakolatxonasi tomonidan tashkil etilgan oltinchi «Asrlar sadosi» anʼanaviy madaniyat festivalining tadbirlari boʻlib oʻtdi. Festivalning ikki kuni shunchalar yorqin va qiziqarli oʻtdiki, unda qatnashgan ishtirokchi va mehmonlar soni, qiziqarli vokealar hamda muhim faktlar haqida alohida statistik maʼlumotlar keltirib oʻtishni lozim topdik.

Mehmon va tomoshabinlarning umumiy soni - 100 mingdan ziyod.

Ishtirokchilarning umumiy soni - 1500 nafarga yaqin.

Oʻzbekistonning turli viloyatlaridan 22 ta folklor jamoasi 2 kun davomida tomoshabinlarni xushnud etdi. Jamoalar aʼzolari sanʼati, mahorati, liboslari va iqtidori bilan barchani lol qoldirdi.

Mamlakatimizning barcha hududlaridan 80 ga yaqin usta-hunarmandlar oʻzlari bilan anʼanaviy va amaliy-bezak sanʼatining 100 mingdan ortiq qoʻl mehnati asosida yaratilgan buyumlarini olib keldilar.

16 nafar oshpaz mehmonlar uchun eng shirin, eng totli va mazali oʻzbek taomlarini tayyorladilar.

Milliy liboslar festivalida Buxoro, Samarqand, Toshkent, Fargʻona va Andijon dizaynerlarining 15 ta toʻplami namoyish etildi.

Anʼanaviy uloq-koʻpkari bellashuvlarida 100 ga yaqin chavandoz ishtirok etdi.

Qadimgi sharqona uyinlarda 15 juft qoʻchqor va 7 juft xoʻroz maydonga chikdi.

Oʻzbek milliy kurashida 100 nafar polvon gʻalaba uchun oʻzaro bellashdi.

Loyihani tashkillashtirish va oʻtkazishda 300 nafar koʻngilli - «Kelajak ovozi» yoshlar tashabbuslari markazining faollari ishtirok etdi.

2 ta xalkaro anjuman: barqaror rivojlanishda madaniyatning oʻrni va arxitektura epigrafika mavzularida oʻtkazildi.

Buxoro, Navoiy, Andijon, Namangan, Xiva va Qoraqalpogʻiston meʼmoriy epigrafikasi haqida 6 ta kitob taqdim etildi.

Maʼnaviy bilimlarni qoʻllab-quvvatlash dasturi doirasida 10 ta madrasaning 20 ta talabasiga stipendiyalar taqdim etildi.