Коррупцияга қарши кураш йўналишида амалга оширилаётган ишлар таҳлил қилинди
Сўнгги йилларда мамлакатимизда барча соҳалар қатори халқ таълими тизимида ҳам шаффофликни таъминлаш, давлат маблағларидан мақсадли фойдаланиш ва коррупциянинг ҳар қандай кўринишларига чек қўйиш бўйича изчил ислоҳотлар амалга оширилмоқда. Давлат сиёсатининг устувор йўналишларидан бирига айланган мазкур вазифалар юзасидан жойларда ҳам аниқ чора-тадбирлар белгиланиб, уларнинг ижроси таъминланмоқда. Яқинда Амударё туман Мактабгача ва мактаб таълими бўлими биносида жорий йилнинг биринчи чораги давомида коррупцияга қарши курашиш бўйича амалга оширилган ишлар таҳлилига бағишлаб ўтказилган йиғилиш ҳам шу йўналишдаги ишларнинг амалий ифодаси бўлди.
Йиғилишни бўлим бошлиғи Ялғаш Шомуратов кириш сўзи билан очиб, иштирокчиларга коррупцияга қарши курашиш борасидаги фикр-мулоҳазаларини баён қилди. Таълим тизимида коррупциявий ҳаракатларни аниқлаш, уларга барҳам бериш ва олдини олиш, келиб чиқиши мумкин бўлган сабаб ва шарт-шароитларни бартараф этишга қаратилган ҳуқуқий асослар яратилиб, ички идоравий механизмлар жорий этилгани алоҳида қайд қилинди.
Коррупциянинг олдини олиш мақсадида давлат бюджетидан ажратилаётган маблағларни мақсадли сарфлаш, бюджет қонунчилигига риоя қилиш бўйича мунтазам равишда мониторинг ва назорат ишлари амалга оширилмоқда. Шу билан бирга, коррупцияга олиб келувчи шарт-шароитлар — ҳуқуқий маданиятнинг пастлиги, ижро тизимининг самарасизлиги, иқтисодий қийинчиликлар каби омилларни бартараф этишга қаратилган мажмуавий чоралар кўрилмоқда.
2025 йилнинг биринчи чорагида тумандаги 86 та умумтаълим мактаби, “Баркамол авлод” болалар мактаби ҳамда 52 та давлат мактабгача таълим ташкилотларида жами 147 марта коррупцияга қарши тарғибот ва тушунтириш тадбирлари ўтказилди. Унда “Коррупцияга қарши курашиш тўғрисида”ги ҳамда “Манфаатлар тўқнашуви тўғрисида”ги қонунлар мазмун-моҳияти юзасидан кенг қамровли ахборотлар берилди.
Шунингдек, туман Мактабгача ва мактаб таълими бўлими раҳбарияти ташаббуси билан барча таълим муассасалари раҳбарлари иштирокида 3 марта махсус семинарлар ўтказилди.
Коррупцияга қарши курашишнинг муҳим йўналишларидан бири сифатида “Коррупциясиз соҳа” лойиҳасининг амалий ижросини таъминлашга қаратилган “Йўл харитаси” асосида жорий этилган тизим доирасида 2025 йил учун барча ходимлардан декларациялар олинди.
Қорақалпоғистон Республикаси Мактабгача ва мактаб таълими вазирлигининг 2025 йил 25 март кунги тегишли хати ижроси юзасидан тизимдаги ходимларнинг ҳуқуқий саводхонлигини ошириш, ҳуқуқий маданиятини шакллантириш ҳамда жамиятда коррупциясиз муҳит яратиш мақсадида тақдимот ва қўлланмалар, видеоролик ҳамда тарқатма материаллар барча тизим ташкилотларига етказилди. Шунингдек, бўлимга тегишли тақдимот, видеоматериаллар ва қўлланмалар ҳам етказилиб, улардан хизмат жараёнида самарали фойдаланиш ходимларга тавсия этилди.
Шу билан бирга, барча муассаса раҳбарлари коррупцияга қарши курашиш юзасидан вазирликнинг кафолат хати ва 16 та локал ҳужжат билан ёзма равишда таништирилди ва мунтазам равишда огоҳлантириш тадбирлари олиб борилмоқда.
Бугун таълим соҳасини ҳар қандай манфаат устуворлигидан ҳимоя қилиш, ҳаққонийлик ва адолат тамойилларини қарор топтиришда тизимли ёндашув мавжуд. Коррупцияга нисбатан муросасиз муносабатни шакллантириш, ҳуқуқий маданиятни юксалтириш ва шаффоф муҳитни яратиш – таълим сифатини ошириш ҳамда келажак авлодни соғлом муҳитда тарбиялашнинг муҳим шартидир.
Г.Жуманиязова, Амударё тумани Мактабгача ва мактаб таълими бўлими коррупцияга қарши кураш бўйича масъул ходими.
Шоҳзод Қурбонбоев, журналист.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
