Обод турмуш йили янгиликлари
Кузги буғдой экишга тайёргарлик
Бу йил туманимизда 2800 гектар ерга кузги буғдой экиш режалаштирилган бўлиб, айни кунда экин майдонларида ерларни текислаш, чел олиш ва суғориш ишлари жадал олиб борилмоқда.
Кузги буғдой экишга тайёргарлик ишлари Қипчоқ, Дўрман, Холимбег Қиличбой ва Ўрта қалъа овулларидаги фермер хўжаликларида намунали ташкил этилмоқда.
Янги ўқув йилига шай
Туманимизда таълим муассасаларини янги ўқув йилига тайёрлаш ишлари уюшқоқлик билан ташкил этилганлиги боис, бу борадаги ишлар барвақт якунланмоқда.
Бу йил 12-,40-сонли умумтаълим мактабларида капитал таъмирлаш, 56-, 77- ва 19-сонли мактабларда эса капитал реконструкция қилиш ишлари амалга оширилиб, бу ишларга жами 1763 миллион сўмлик маблағ сарфланди.
Тумандаги бошқа мактабларда ҳам жорий таъмирлаш, ободонлаштириш ишлари амалга оширилиб, янги ўқув йилига тўла шай қилиб қўйилди.
"Ҳаёт учун!” акцияси
Шу йилнинг 5-10 август кунлари оралиғида туманимизда "Ҳаёт учун!” акцияси ўтказилиб, унда 35 ёшдан 49 ёшгача бўлган аёллар чуқурлаштирилган тиббий кўрикдан ўтказилди.
Кўкрак бези саратони ва аёлларнинг репродуктив органларидаги ўсма касалликларни эрта аниқлаш мақсадида ўтказилган бу тиббий кўрикда 945 нафар аёллар иштирок этишди.
"Саломатлик-3” лойиҳаси бўйича
Яқин кунлар ичида туман тиббиёт бирлашмаси шошилинч тиббий ёрдам бўлимига ва кўп тармоқли поликлиникага "Саломатлик-3” лойиҳаси бўйича 2 та замонавий рақамли компьютерлаштирилган рентген аппаратлари ўрнатилиши режалаштирилмоқда.
Бу ишлар амалга оширилгач инсон танасида учрайдиган ҳар хил касалликларга аниқ ташхис қўйиш имконияти янада ошади.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
